الـسلامـ عليكمـ أخوي البليغ -

لعلك تذكر مشكلتي سابقا جئت لأخبرك بالمستجدات طالبة مشورتك -

تعرف مشكلة زوجي وقلة تواصلة بعد وفاة والدته رحمها الله -
ونصحتني ان احاول اساعده واقف معه -
انا بديت وارسلت له رسائل لكن للأسف مافيه أي تجاوب وتوقفت عنها لانها مانفعت ولايهتم فيها -
بعد فترة -
اتصل هو فيني عشان يأخذ رقم اخوي لانه كان مريض وماتكلم معي كثير سألته عن اخباره واعدت السؤال واصريت -
قال خليها على الله مشاكل في العمل وخصم من الراتب فدعيت له وأكد بطلب ارسال رقم اخوي وارسلته له مباشرة
لكن مرت الايام وهذا كله كان اخر شهر 12 ولا اتصل به ولاشي وحتى اني ندمت اني قلت لأهلي وانحرجت منهم وعاد الكلام الجارح كل ماجاء طاريه حدث ولاحرج -
المهم انا جاء في خاطري كثير وماتصلت ولاارسلت وهو منقطع في شهر محرم قلت اسأل عنه وتصلت والجوال مقفل -
وشكله عرف اني اتصلت به فأرسل لي بعد 3 ايام رسالة ودية ولارديت عليه لاني كنت متضايقة من تطنيشه - وارسلت له رسالة قبل اسبوع والليلة اتصلت ومارد

الحين أخوي وش تنصحني فيه -
لانه مهما كان ظرفه ماهو عذر ان يتجاهلني -
احيان اقول يمكن زعلان واحيان اقول يبغاني ابتعد عنه ومايهمه اتصلت او لا
انا صراحة ماودي اعديها له هذي المرة احس اني تنازلت كثير -
وهو للمعلومية زمان ماكان يحب اني اداري خاطرة لان دايم كان يقول زعلتي فاقول لا واذكر بعد وفاة عمتي بشهرين لما اتصل كان لايكون جاء في خاطرك شي علي قلت لا انا مقدرة ظرفك ونفسيتك
قال يعني بتمشينه هالمرة طيب -

هل ابقى ماتصل وانقطع عنه او اني احاول واعذره بسبب ظروفه المادية والنفسية -
ابي اعرف لما يبتعد الرجل كذا كيف يحب اتصرف معه -
اهلي مرة ماهي عاجبتهم تصرفاته وانا تعبت -

مالعمل اعرف انه المشكلة ليست بذلك الحجم - لكن ماخاب من استشار -
وشكرا لك مقدماً