وعليكم السلام ورحمة الله وبركاته
أشكر مداخلتك ( اسأل مجرب ولا تسأل طبيب )
فعلاً بنتي أعتقد أنه وراثي لأن أغلب أبناء عماتها وأعمامها نفس الشئ من ناحية الفك وأغلبهم ركبوا التقويم الحديد الآن بعد ما كبروا

ومن جهتي جميع أخوتي كلهم ركبوا تقويم حديد بسبب تراكب الأسنان وثنتين منهم الآن ركبوا ( الروتينور ) التقويم المتحرك إذا ما كنت غلطانة باسمه

( يعني الوراثة من الجهتين )

لكن نظرة والدها إن الأسنان اللبنية راح تسقط ويريد تركيب التقويم على الأسنان الدائمة وتكون وقتها كبرت شوي ( ما في مجال اقناع )
البنت متحمسة تفكر الشغلة موضة تقول ليه كلهم يحطون وأنا لا

وصديقتي خبرتني إن قريبتها نفس المشكلة وأهملت الموضوع ولما صارت بالعشرين سووا لها جراحة خطرة كان بالامكان تفاديها لو كانت مسوية تقويم الفك من صغرها

بس لاحظت ملاحظة إن بعض اللي فكوا التقويم ترجع لهم مشكلة ترتيب الأسنان وتتزاحم مرة ثانية ليه