منتدى عالم الأسرة والمجتمع - عرض مشاركة واحدة - هل أنتم مع أو ضد اصطحاب الأطفال بالزواجات ؟

12-01-2012, 01:20 PM

عضو نشيط جدا

تاريخ التسجيل: Nov 2011

المشاركات: 352

حضرت زواج صديقتي قبل سنوات هي من منطقة بعيدة بس ساكنة في منطقتنا عشان أبوها يشتغل هنا ( قصة حياتها )

المهم وزعوا بطاقات الدعوة مكتوب ممنوع اصطحاب الأطفال ومشددة وهي تسولف علينا تبغى زواجها مرتب ( عزمتني مع كم وحدة من أهلي ) الله يذكرها بالخير

مالكم بالطويلة حضرت الزواج وشفت الأطفال أكثر من المعازيم
وش السالفة ؟؟؟؟؟؟

طبعاً دخلنا عليها في غرفة العروس لأنها صديقتي المقربة وهي قايلة إذا جات نبرات دخلوها علي
سالفة تجر سالفة وسألتني عن الوضع في القاعة قلت لها بصراحة الأطفال أكثر من المعازيم

قالت إن أقاربها اللي جاوا من بعيد جابوا كل عيالهم ونسوا بطاقاتهم
يعني زيادة على نسيان البطاقات يبغون عيالهم يدخلون
تقول صار احراج لأبوها عند مدخل الصالة وصار يدخل كل من جاء بدون ابراز البطاقة مع عيالهم

والله على العشاء لما دخلت مع قريباتي ما حصلنا عشاء ممسووووووووح كأنهم ما شافوا خير نسأل الله العافية

وانحرجوا أهل صديقتي نقص العشاء على ناس كثير بسبب العدد غير المحسوب

بصراحة موقف بايخ يعني الناس اللي دخلوا بدون بطاقات وفوق كذا مدخلين عيالهم ما يعرفون إن العشاء يحسبون على الكرسي

مثل هالناس كيف نتعامل معهم ؟؟؟؟؟؟