خاله قرين لما كنت ببيت اهلي قبل مايكون عندهم شغاله كنت انا اللي اقوم بالبيت موب كل شغل البيت طبعا بس الاغلب طبخ كنس غسيل ملابسي تمسيح المطبخ بكامله مواعين غسيل غسيل حمامات وانتي بكرامه وكان الوقت يرووح علي وكنت استمتع جداً بهالاشياء بعد ماجت الشغاله بدى الكسل فيني خلاص تعودت على الشغاله والكسل كل شي تسويه الا الطبخ طبعا امي عودتنا ماناكل من طبخ عاملات وللان تعودت على هالعاده اكره اكل شغل عامله غصب علي ودي اتعود واصير زي غيري بس شي يردني اذا قربت شي لفمي باكله وانا عارفه انوه طبخ خادمه نفسي بتلعي على قولتهم ،،بعد الزواج استمر معي الكسل واذا بغيت ارتب شي قلت لامي اني ابي خدامتهم لاني اتعب بالشغل وماتعودت خلاص الواحد لا تعود على الجلسه جسمه يتعب من اي حركه حتى زوجي لما كان يشوفني اشتغل كان يشجعني على الجلسه خليه بعدين لاتشتغلين لاتسوين لاتحطين فعودني على الكسل اكثر حاليا خادمة اهلي الفلبينيه راحت ومكاتب الاستقدام مقفله للان فاضطر اني اشتغل والله اكنس وانا ماابي واغسل الغسيل اذا الزبيل فاض وقال ارحميني اكره شغل البيت بشكل عام الشغله الوحيده اللي استمتع فيها حالياً الطبخ احس متعتي الوحيده اللي بقت معي للان ..
__________________
1-5-1433هـ
الحمد لله رزقت بأجمل بنوته ربي يخليه ويصلحه 
..