الله يعينكِ بصراحة مزحهم ثقيل
ذكرتيني بموقف صار لوحدة تدرس معي بالمتوسط كانت بفصلي
كانوا شلة بنات المهم في وحدة منهم جابت ضفدع لعبة وجات من وراء صديقتها وطلعته بوجهها فجأة
تعرفين وش صار للبنت ارتاعت وجاها مس من الجن وطلعت من الدراسة كنت أتطمن عليها ويقولون أهلها صارت تأخذ علاج نفسي ونوديها لشيخ يقرأ عليها
بالله وش استفادوا يوم روعوها غير إنهم أذوا صديقتهم بس من كم سنة سمعت إنها خفت وكملت دراستها
بعض المقالب تموت من جد
وموقف حصل لي مع بنتي الكبيرة لما كان عمرها شهرين تقريباً يعني تتقلب بس مو قلبة كاملة يعني تحاول المهم كنت بالمطبخ وحاطتها على مفرش فوق طاولة الطعام بالغرفة اللي جنبي
أنا متأكدة إنها ما تتقلب عشان كذا حطيتها لو تتقلب ما حطيتها
دخل أبوها وش سوى !!!!!
نزل البنت على الأرض وحطها على بطنها وخلاها تبكي وضرب بكرسي الطعام بالطاولة أنا جيت أركض مفزوعة يقول طاحت البنت حسيت إنه مسوي فيني مقلب قلت أنا لو شاكة لو 1 % ما كان حطيتها على الطاولة قام يضحك قال مرة ثانية ما تحطينها
طيب لو أنا جايني شئ أو روعة ودخلني مس بالله وش ينفع مزحه الثقيل
التعديل الأخير تم بواسطة نبرات شعري سطرت ; 13-01-2012 الساعة 12:57 AM