المشاركة الأصلية كتبت بواسطة مطلقه ص
في علم النفس الشخص الي ينام كثير معناها هروووب من الواقع
يعني بالعربي هي غير سعيده في حياتها معاك
انا لا انكر ان لها تصرفات خاطئه ولكن " انت السبب"
اسلوبك جدا جاف انت عايش معها تتوقع انها تكون خادمه وام وطالبه وزوجه وانت مابادرت بحسن المعامله
يا اخي حسن المعامله والطيب والكلمه الطيبه يبين اثرها على اقسى القلوب وصدقني تأثيرهم اقوى من الامور الماديه الي انت تتكلم عنها من اول مواضيعك وكأنك الانسان الوحيد الي اعطى واهدى زوجته! شي طبيعي انك تعطيها من مالك بقدر ما انعم الله عليك ولكن الغير طبيعي انك تعاملها بجلافه وانت حل لها وهي حل لك
يعني لما شفتها نايمه والمطبخ ماتنظف وماقامت تصلي ماجربت تجلس عندها بالسرير وتمسح على راسها وتقول لها والله اني ادعيلك يازوجتي الغاليه بالهدايه لاني اتمناك لي زوجه في الدنيا وفي جنة الاخره
وما جربت تلاعبها وتمسك يدها وتقول ودي اجلس معك جلسه حلوه اليوم الجمعه وولدنا في حضننا وتأكليني بيديك وتراني جايبلك مفاجأه بعد الصلاه
اي شي بيكون منك مفاجأه لو كرتون حمضيات عشان تستانس بس ادخل معها في جوها حسسها ان الحب والتقدير والاحترام هو الدافع الي يخليها تهتم فيك وانت تهتم فيها
مره على مره هي بتتعلم ترى توها صغيره اذا تزوجتها وهي 18 معناها الحين عمرها 20
اتفق معها ويكون عهد بينكم انكم ماتطلعون اسرار بيتكم لاحد لان هذي مشكله لحالها
باختصار زوجتك مالقت منك حب وهي عقلها البطني يحاول الهروب منك لذلك تلجأ للنوم وما ادري ليه الاعضاء الافاضل ركزا على جميع مساوئها وعيوبها وتجاهلو كلمتها انها تريد انسان رومنسي وهذي هي اختصرتها لك
اما موضوع الصلاه فالمتهم بريء طالما مااعترف ويمكن هي تعاني من الموضوع بس مالقت احد يعينها ويساعدها ماغير زوج يتأمر عليها ووالد صعب الطباع وام بعيده عنها والله اعلم عن صحبتها ان كانو صالحين ام طالحين
اسأل الله لها ولي الهدايه ولك بالصلاح وراحة البال *
|