ياجماعه الامور هذه لابد من حل جذري فيها والا لن يتغير شئ في حياتها
اختي الله يهدي رجالنا ويهدينا وياهم اولا
ثانيا احب اقولك انه مثل هالموضوع بصراحه تبغي رايي ماينسكت وتصبري عليه وانا ماباتفلسف لانه عندي قريبه لي تصيرلي بنت عمتي عندها نفس مشكلتك صبرت سنه بعدها اهلها ماخلوها واخدوها ورجع يترجاها ورجعتله وجلست سنتين مع الوعد انه ماعاد يرجع لنفس الطريق لكن
كانك يأبوزيد ماغزيت زاد حاله سوءا ومره قالها اصلا انا عارف انك ماتقدري تطلقي بسبب المجتمع واعرف انك ماتقدري تعيشي ببيت اهلك مع اولادك. ..طيب والحل مع رجل زي كدا
كلمت استشاري اسري واجتماعي ونصحها تبعد عنه فتره وتشترط عليه بعدها تشوف جلست فتره مثل الاول وبعدها رجعت وزاد اكثر واكثر مو بس شرب خمر الا وادمان حشيش يالطيف ياربي الله يحفظلنا رجالنا ويبعدهم من اصحاب السوء
المهم مرا جات عندنا وجلس الواد يكلمها الحمدلله الوالد متعلم ومثقف ومعاه دراسات عليا
وقالها ناس زي كذا حاولتي معاهم مرا واتنين وتلاته ومانفع عندك حل من اتنين عشان اولادك لايكبروا ويشوفوا ابوهم كل يوم والتاني سكران ويؤذيها ويؤذيكم وازيدكم من الشعر بيت يضربها كمان هالكها المهم قالها تقوليلو ياتتعالج ياننفصل
سوت اللي قالها عليه طبعا مامشي الحال ورفض وقر رت تنفصل هو رفض يطلق وجلس يماطل ثمانية اشهر في الاخر طلبت من الشيخ انه يخلعها طبعا جلسه اتنين تلاته والله بس مأعرف قديش طولت لانه كانت تحكيني بس وقت الجلسات مأعرف كم بالزبط اللي صار انها في الاخر قالتلي انه الشيخ جمعهم لاخر مره يبغى يتاكد منها تبغى تنفصل ولالا قالتله الا ابغى انفصل وجلس زوجها يترجاها ويحاول فيها بس هي نفسيتها تعبت حدد القاضي لهم جلسه اخيره كانت اعتقد بعد شهر من اخر وحده تقولي تعبها اتصالات ويقنع فيها وهيا مي راضيه انا بصراحهىقلتلها لازم تكون حازمه شويه وتصبر وتشوف في الاخر اتوصلوا لحل وسطي وكان امام الشيخ انه اذا عاد للطريق دا يخلعها وكتبت شروط وسلمتها طبعا القاضي اتوقع حكم عليه بالجلد بسبب الشرب الله اعلم ايش صار معاه
اللي ابغى اقوله انهم عايشين الان سمن على عسل ولاعاد مد يده بعدها وحسب ماتقول انه لاحظت فرق بطل سهر بطل يطول في الحمام زي زوجك بطل علاقات بطل كل شي وطبعا 40 يوم كفيله انها تتعرفك بالشخص فما بالك كم سنه ف هيا قالت لو شفت شي عليه وحده مره ماراح يشوف وجهي بعد كدا بس الحمدلله تقول انها مستقره ومبسوطه
انا مأقولك اعملي نفس الشي لا بس لازم تقرري ايش حتسوي في حياتك حرام عليه نفسه وانت واولادك كان الله في عونك حبيبتي
__________________
حبــــ نادر ـــــي
التعديل الأخير تم بواسطة حبي نادر ; 16-01-2012 الساعة 05:05 PM