صباح الخير يا قمرات

معلش انا قريت اخر صفحة بس فحرد على سلمى

بصى يا ست البنات اهم حاجة انك تكونى مرتاحة نفسيا للدكتور اللى انتى متابعة معاه
فاذا انتى سامعة انها مش ثقة غيريها اذا انتى قلبك شاكك منها لنها اذا قالتلك اى حاجة مش حتطمنى انها اللى بتقوله دا صح
و بعدين الدكاترة دول تجارب انا ممكن تكون تجربتى عند دكتور ممتازة و غيرى تجربته معاه وحشة جدا
اما انك تغيرى اللى بتابعى معاه فدا عاااااااااااادى جدا
انا اول شهور فى حمل كريم تابعت مع الدكتور اللى عملى الحقن و بعدين سافرت الكويت تابعت مع واحد تانى لحد الشهر التامن و بعدين نزلت مصر تابعت مع واحد تالت من اول التاسع و لحد ما ولدت
الموضوع مش قصة هو حيشوف الوضع اللى انتى فيه دلوقتى ايه و غير حكابتك عن اللى فات و خلاص
انا دكتورى اللى ولدت معاه كريم و كرمة كنت بسمع عنه حاجات مش كويسة برضو بس انا كنت مرتحاله نفسيا جدا جدا
اهم حاجة راحتك النفسية عشان تبقى طول فترة الحمل مرتاحة و متطمنة يعنى تكونى سايبة مخك للى بيقوله و متقعديش تقولى طب اللى قاله دا صح ولا غلط الواحد مش ناقص وجع دماغ
و ربنا يلهمك الصواب و يتملك على خير بأذن الله


اما عنى فاخيرا روحت لدكتور عشان البرد و ادانى مضاد حيوى
الكحة اتحسنت بس وجع دماغى لسة
انا مش فاهمة برد ايه دا اللى عندى كل دا
برد عامل ذى القراضة لازق فى قفايا و مش راضى يسبنى


بحبكم كلكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة