ترى على فكرة لازم يكون للجوء للصلاة والفزع لها اولوية في قائمتك .. والشيطان يخلينا نتكاسل ونقول ياليييل وش اللي صلاة واستخارة
لكنها مهمة لو كنتي تعلمين ؟؟
ولاتعتمدي على الراحة لأن فيه تفكير خاطيء عند الناس ان الاساس في صلاة الاستخارة هو الاحساس بعد الصلاة وهذا خططأ
الاحساس يعتبر فرع يعني قرينة فرعية
ولكن الأساس هو اذا كان فيه خير فربي راح ييسر لك الامر واذا كان فيه شر فربي راح يبعدك ويبعده عنك ..
لأن دعائك في صلاة الاستخارة انك ياربي ان علمت فيه خير فيسره والا ابعده عني ..
هذا كلام الشيخ المنجد

من ناحية الرجال
مو ذنبك اذا انتي ودك تختبريه وتجربينه, ذنبه هو ..
ما واكب الحياة اللي ماشية الحين ومدخن وفوق ذلك راضي ولا يبي يتطور ..
طبيعي يكون عندنا انطباع بالتوجس منه .. فلا تركبي على نفسك تأنيب ضمير بسبب خطأه هو
اذا بتقولين لاهلك ابي اتملك عليه واغوص معه بتفاصيل شخصه وهم بيقولون مافي مشكلة
فهذا ابعد عن الشكة واوضح لك لاتخاذ القراار النهائي

امورك اللي عندك واللي انتي متحمسة لها غلط تقدمينها على الزواج ..
لأن الامور اللي ذكرتيها كلها مجتمعة تعتبر شيء جزئي بالحياة
والزواج شيء كلي واصل في الحيا .. فلا تقدمي الجزء على الكل ..

واذا تبين قرار بتفكير احتياطي
فأنا اقول لاتاخذيه .. وان شاءالله الاعضاء يفيدونك اكثر ويوجهونك بالراي الصحيح او الاصح
الله يبدد حيرتتك ويوفقك