صباح الفل يا قمرات


خديجة اهلا وسهلا بين اخواتك و ان شاء الله نكون وش الخير عليكى و انتى كمان بهلتك علينا دى نلاقى كام واحدة بتبشرنا ان شاء الله
بس يا سيتى عشان تنضمى معانا لازم تملى الاستمارة
متجوزة باقلك كام سنة و ايه سبب المشكلة و اذا حصل حمل او عندك اطفال ولا لأ؟
شوفتى استمارتنا سهلة ازاى؟
تنورينا


مرميسة بجد اتبسطت جدا لما دلخت و قريت دعواتك ليا ربنا يكرمك و يفرح قلبك
و نصيحة من اخت ليكى كلللللللللللللللللللللل الرجالة على نفس شاكلة زوجك مش حيهز نفسه عشان موضوع العيال دا خالص ولا ياخد دوا ولا ولا ولا لازم انتى اللى تشغلى الزنانة بس ذى ما قلتلك اختارى الوقت اللى يناسبها عشان دى سلاح ذو حدين خليكى ناصحة و اديكى بتتمرنى فى جوزك لحد ما يجى عيلك و تكونى عارفة حتتعاملى معاه ازاى


كريستى الف سلامة على الولاد
انا من كتر ما العيال و انا عيانيين بقيت اتكسف لما حد يسألنى اخبار صحتكم ايه بحس انى عاملة ذى اللى بيخذى العين بدل ما يقول الحمد لله يقول عيانييين
فبحاول مردش على السؤال دا غير بالحمد لله و خلاص
ربنا يعدى الشتا دا على خير لانى بجد زهقت انا عمرى ما عدى عليا شتا ذى دا ابدا

ماريا ادعى و ان شاء الله ربنا يكرمك و يفرح قلبك يا رب


باقى القمرات بحبكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة