اللي فهمته من خطيبك انه انسان راغب بالزواج ويبغى يفرغ طاقته الجنسية بالحلال بس يمكن فاهم الموضوع بنظرة (اني بسوي كل اللي ببالي ولاعلي من احد هي حلالي) النوع هذا من الرجال تخاف منه البنت لانه فجأه اصبحت لديه امرأه وتعتبر ملكه ولا يستطيع احد ان يقول شيء في ذلك لكن هو ناسي انه لسه ماتم زواجكم وفي هالفترة ممكن تصير امور قد تقلب الموازين فوق تحت ..
لا اكذب عليك هو طلب منك الممارسة عن طريق الهاتف وشخصيا احس انه طلب ممكن يكون مؤقت له قبل الزواج بس ماراح تكوني انتِ مرتاحة من انك تسايريه لانك تحسي بخجل لان لسه لكم شهر وما أخذتي عليه ..
وراح اقول لك اذا طاوعتيه وسايرتيه باللي يبيه بالتليفون راح يتمادى بالطلب لما يجيك البيت وراح يجبرك واذا رفضتي راح يزعل وراح يدري انك راح تراضينه زي ماراضيتيه وسايرتيه بالتليفون وراح تتضطرين تسيارينه بأمور يمكن ماتكون واضحة بس راح يتطور الى ان يصير اللي في باله ...
خلي عندك مبدأ من الاول ولا تغيرينه نهائياً عشان يحترم رأيك وإذا زعل راح يزعل بس مارده بيرضى عشان يثق اكثر بزوجته وخطيبته في نفس الوقت .. وما اخفيك هو زوجك وحلاك بس في امور قد تجر الى امور لا تحمد عقباه .. حاولي تقولين له انا ودي مش بالتليفون نقص على بعضنا بتخيلات .. انا ودي هالتخيلات اللي انت حاطها ببالك ومتصورها تصير واقعية بيوم الزواج حنا نبغى ننتظر هذا اليوم بشوق وبلهفة عشان تصير احلى ليلة من غير استعجال ..
حاولي انك تغيرين المواضيع وتبدلينها بالتليفون الى مواضيع مستقبلية او خططكم بعدين وحجز القاعة وما الى ذلك عشان يتحمس وحاولي تحمسينه اني بشتري شغلات راح تموت فيها مثلا ممكن تسألينه وش الوان قمصان النوم اللي تحبها ..هل انت رومانسي عشان اقدر اخطط لك زين واجهز نفسي لك بكل ماتحب بتشوفينه يتشوق اكثر ... بس الله يكون بعونك ايضا اذا جاء حاولي تمسكين ايده وتشدي عليها وتقولين له انا مرتاحة لك ولاتخاف انا انتظر يوم الزواج اكثر منك بس ياحبيبي لا تستعجل انا ماراح ارتاح كذا احس هذا الشيء راح يقتل فيني الحماس لليلة العمر ..

صدقيني انا اتكلم عن تجربة قد مريت فيها واحمد الله انه كان لي مبدأ وماغيرته بس الفرق بيني وبينك ان خطيبي واقعي يعني يبي لجاء زيارة عندي وكان طالب هذا الشيء بعد اسبوع ونص من الملكة والحين انفصلنا ولله الحمد لأمور كثيره مايسعني اتكلم عنها الحين..