حبيبتي بيان

والله اني اقرا وانا ميته من الضحك

وربي زوجك فكاهي من الدرجة الاولى برغم من عظم المصيبه وهي الكذب

وانتي زوجة ذكية وحكيمة وماشيه معاه تشوفين آخرتها


فديت قلبك والله انك عسل ومتحمله الضيم لكن وش تقولين

بعض الرجال يا قلبي خصوصا خصوصا اللي ما عنده ثقة بنفسه بالمره يمارس الكذب وخصوصا "الفشخره" علشان يظهر نفسه بمظهر هو يرضى عنه لانه بالواقع غير راضي عن نفسه

دورك هنا .. هو زيادة جرعات الثقة بنفسه من خلال التعزيز الايجابي له

انا مثلا زوجي كان محتـــــــــــــــــــرف كذب وما اكتشفت هالشيء إلا متأخر لأني صرت أسمعه يسولف لاصحابه عن مواقف بايخة صارت له وانا معه لكن يضيف لها بهارات ويخليها مغامره "عيش سفاري" الله وكيلك شيء يفطس من الضحك.

صرت اكثر من مديحه اذا سوا شيء يرضيني

واذا توقف عن شرب الخمر (يمكن تابعتي مشكلتي) صرت اعزز تصرفه واقوله انا فخوره بك جدا

صار هو بالمقابل ينتظر كلمات التشجيع مني على تصرفاته ويحاول أنه فعلا يصير افضل لانه ينتشي فرحا بكل كلام المدح مثله مثل معظم الرجال

لا تكبري الموضوع وخذيها بروية وحكمة

لكن ايضا موضوع انه يكون عندك شريحة ما يعرف رقمها اعتبره واحدة بواحدة .. واعلم انه ما رح يرضاها لو عرف انه عندك رقم ما يعرفه ورح يتبدي يشك فيك

الصراحة ثم الصراحة معه بكل ادب وهدوء

بدل لا تقولين له انت كاذب .. قوليله انا أعلم ما هي الحقيقة

بدل لا تتهميه وتقولين له انت تغازل .. اسأليه ليش تحتاج الشريحة الثانية ؟

عوديه انك تمتصي أي اجابة يعطيكي اياها بالتدريج .. واذا ما اقنعتك اجاباته قوليله بوجهه ما اقتنعت اقنعني

طولي بالك .. زوجك بس يحتاج شوية حنان زيادة


ربي يسخره لك ويخليكم لبعض

__________________
هدية Beta لكم موضوع يحتوي روابط كل مواضيع والدنا المستشار الفاضل رجل الرجال
http://www.66n.com/forums/showthread.php?t=227929