لحظة يمكن الحين ناس تجي تقرى ردودي تقول هذي مخربطة الأولي بالتالي. بحاول أضبط النقاط.
1-هو: يبغيني أطور علاقتي مع أهله.أنا: بحكم دراستي سابقاً،و بحكم شغله حالياً ما أقدر أتلاقى فيهم،و السبب ال2 لأن: فيه هناك زوجة اخوه ال ما تعجبني أبداً،و الي ترفع الضغط إذا أجوفها،و يصير وجهي مطنقر على الوضع فيبين أني مطنقرة على الكل.
2-هو: يبغيني أصير عفوية.أنا: إنسانة عوبة جداً و أحس أحتاج كورسات عشان أصير عفوية.يمكن أصير عفوية إذا ناس تعرفت عليهم وتوطدت العلاقة جداً،اما جي من البداية ما أقدر"باختصار أعاني".يعني الانطباع الي اتركه عند الأوادم غالباً غلط في غلط.
3-هو: يبغيني أترك التطنقر،و النكد.أنا:إذا هو عصب ما اقدر تجيني حومة و ما أعرف أتصرف على طبيعتي.

4-هو:يبغيني ما أعصبه.أنا:ساعات ما أقصد أعصبه،بس الموقف يتطلب رايي،قناعاتي.و تصير المشاداة أن أني دايماً أرادده،و مو عاطتنه اهميته.
5-هو: يبغيني أصير حنونة.أنا: ما أعرف أصير جي مو ما ابغي،صدق ما أعرف!
6-هو: ما يبغيني أشتغل.أنا: أبغي أشتغل يعني مو محددة متى،بس على الاقل يعطيني الاشارة الخضرا.

7-هو:يبغيني أصير اجتماعية في حضرته أو في غير حضرته.أنا: في غير حضرته أقدر،أما في حضرته ما أعرف،أحس نفسي مقيدة،مراقبة،و السبب: لأنه انتقدني،و خبرني أكثر من مرة أن طريقتي في الكلام لازم تكون منطقية وموزونة و أشياء أحسها تناقض التلقائية.
8-هو:يبغيني أصير قنوعة.أنا:مو مسرفة،و هو بعد مو بخيل. بس أني حتى لو مجرد أحلم،و أتخيل أحسه يتضايق!

9-هو:يبغيني أصير بشوشة،و شرحة ع طووول.أنا:إذا متضايقة من شيء ما أقدر أنافق.
10-هو:يبغيني ألبس دفة راس.أنا:ما أبغي ألبسها.