قصتك بكتني مؤلمة كثير لكن والله أنا مو مع اللي ينصحك بالطلاق يا اختي , هو اللي سواه مو هين
أنا مطلقه وأكلمك من تجربة لو يرجع الماضي لورى ما كان طلبت الطلاق ولا فكرت فيه نهائيا
على أن حياتي معه كانت جحيم لكن لما أشوف عيالي والتشتت اللي هم فيه أكره نفسي وأكره الساعه
اللي خرجت من بيتي فيها , صحيح إرتحت من أبوهم لكن صار عذابي النفسي الحين أكبر من قبل بكثير
كله يهون عشان الأطفال تحملي يا اختي وفكري بعقلك محد بيخسر إلا ولدك إصبري الدنيا ما فيها أحد مرتاح
الحين بترتاحين منه تطلقين وبكرا إذا أخذو ولدك بتبكين دم وقهر وندم وساعتها ما تنفع الدموع
وما يحتاج أقولك كيف أبناء المطلقين عايشين أنواع الألم والحرمان مهما أحد حن عليهم وتعطف ما بيكون
مثل والدينهم ..
لكن نصيحتي لك إرجعي له وبتعهد إنه ماعاد يمد يده عليك وإذا رجعتي له إلجئي لله وشوفي لك من الطرق
الزوجيه الكثيرة لإعاده الألفه بينكم وتقربي لله وحاولي تقربينه لله بطريقتك وبدعائك
الله يهدي سرك ويفرج همك يارب