كانك تتكلمي عن والدي
لذا بكلمك عن خبرة

اولا ..
بالنسبة للصلاة ,,
اتفهم مشاعرك .. بخصوص النصح . صعب جدا خاصة الاب
ممكن الام نصحها بس الاب صعب ممكن تجيبيها احيانا عن طريق الضحك
او تدخليها ضمن سوالف عامة ..
لكن نصاائح صعب

حاولت قبلك مع والدي من صف سابع و انا بحاول فيه و احاول و احاول .. وهو يبتسم
واحيانا يقول ادعوا لي و احيانا يقول ان شاء الله .. رغم انه فيه خير كثييير
يصوم و يقرا القران و يتصدق بل انه كريييييييييم جدا جدا على المحتاجين
و اشياء كثيرة بس يجي عند الصلاة و يكسل (اعتقد حتى والدك نفس الشي
يكسل من الوضوء و الصلاة )

اللي سويته اني استمريت و استمريت ادعي له ... والله كل يوم بصلاتي ادعي له
و الحمدلله الحمدلله الحمدلله .. له تقريبا سنتين ... لححاله ربي هداه
صار محافظ على صلاة الفجر اكثر منا
احيانا يفوت فرض في اليوم او فرضين .. بس كنا فين و بقينا فين
الحمدلله صار يصلي اغلب فرووضه و احس انه فعلا يصلي بخشوع
لا رياء و لا عادة اتعود عليها ... و الحمدلله صار مايفوت صلاة الجمعة ..
ولازلت ادعي له بالهداية
اتمسكي بالدعاء و ان شاء الله دام انه فيه خير كثير .. ربي بيهديه ..


نجي للشق الثاني .. موضوع الزواج
برضو اقولك والدك زي والدي
كان كل مايتقدم حد يرفضه وانا مااادري ولا حتى امي الا بالصدفة احيانا نسمعه
حتى قرايبنا رفضهم ... و كل واحد يطلع فيه مية عيب
كان يقول هذولا بناااتي مااعطيهم الا اللي فعلا فعلا ائتمنه عليهم
ووصلت لقناعة زيك اني اكيييد ماعاد بتزوج اكيد اكيد
خاصة انه كمان كان معلق امماااال عليا .. اني اكمل جامعتي و اشتغل و اكمل
الماجستير و الدكتوراه و اسوي و اسوي بحكم اني الكبيرة ...
لذا كنت باصمة بالعشرة اني ماراح اتزوج

لكن سبحان الله وقت ما اجا النصيب .. ماحد يقدر يرده .. ابي لحاله اتصل عليا فرحااان
طااير يقول لي فلان خطبك و انا وافقت حتى ما اخذ رأيي
وانا اللي رفضت لاني خلاص برمجت حالي اني ما اتزوج
وصدقي انه هو اللي قعد وراي يقنعني
و الحمدلله الحمدلله كان كلام ابي صح و فعلا ما سلمني الا للي يصووني
و زوجي اللهم لك الحمد من اروع الازواج ربي مايحرمني منه..


لذا حبيبتي .. لا تستعجلي نصيبك و صدقيني مافي اب يتمنى بناته يقعدوا بدون زواج
لكنه يدور لهم الافضل و الانسب ... يمكن انتي تفكيريك موجه لناحية واحدة
انه يكون شخص يصلي ..
بينما والدك تفكيره اشمل .. يدور لك انسان تكون اخلاقه عاليه ...
مؤهلاته كويسة.. عائلته كويسه ...وظيفته كويسة ... الخ ..

فا اطمني والدك ماراح يحتفظ فيك للابد بس يدور لك الرجل المناسب اللي يسلمك له و هو مطمئن عليييك
ربي يطول بعمره و يشوفك انتي و خواتك عرايس و يشوف اولادكم
والله الاب سنننند في هالدنيا ... ربي مايحرم حد من والدها
ويرحم موتى المسلمين اجمعين

وعلى فكرة الان والدي نفس الشي مع خواتي و ربي يبعت لهم و لك الازواج الصالحين
التقيين اللي يراعوا الله فيكم ...

طولت عليك بس حبيت احكي لك تجربتي كاملة عسى انها تفيدك و الاهم تطمنك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله