السلام عليكم ورحمة الله وبركاته

مشكلتي مااحب أحد يتصرف بشي يخصني من دون علمي
صراحة انصدمت وماتوقعت من الوالد,,أنا صرافتي مع أخوي وراح وقال له اسحب من الصرافه من دون مايخبروني!
لو اعرف انه محتاج ماعندي مشكلة ,,هو الله يهديه مايحب أننا نشتري ونغير بالبيت من يومين أنا وأخوي غيرنا أثاث البيت وهو كان مستانس واليوم شكله أحد غير رايه لانه كالعادة يسمع للغير ..
فجاء وقال لي :الله يخلف عليك ويضحك (وأنا بيني وبينكم كنت مقهورة ماهمني الفلوس بس حسيت انه مايبي
معنا شي )!!
قلت : ليه تاخذون من صرافتي من دون استاذن أنت محتاج شي على شان تاخذ مني بدل ماتعطينا تاخذ؟
قال خوذيهن من أخوك هو اللي سحب وأعطاني ’قلت أنا اعرف أنت اللي اخذتهن .
وطلع ورجع الفلوس مع أخوي ويقول يقول أخوي شكل الوالد زعلان ..
الوالد طيب واعرف اللي عنده ,لكن حسبي الله على زوجته هي اللي تغيره !
ودي اعتذر له لكن أنا ضميري يأنبني الحين مرة أقول أنا ماسويت خطأ ,ومرة أقول مهما كان هذا الوالد المفروض ماسويت كذا,,أنا كل اللي ببالي أنه زوجته ماتدخل بشي يخصنا وتعبي راسه علينا ومايتهاون بنا زي ماهو متهاون بالوالدة ويسوي كل شي والوالدة ساكته له ..
مدري اللي سويت صح ولاغلط ...

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.