اكتشفنا صدفة أن اختي ذات ال19 عاما تكلم شابا في أحد برامج المحادثة
[SIZE="5"]السلام عليكم
انا متابعه للمنتدى من زمان ودايم استفيد من تجاربكم هنا،،
وعمري ماتوقعت اكتب مشكله تخصني هنا
ابدأ لكم بسالفتي وارجو منكم النصيحه والأراء السديييده
الله يعلم اش كثر انا محتاجه حكمتكم
اختي عمرها 19 سنه فالجامعه احنا عيله جداً محافظه
تخيلوا اكتشفنا بالصدفه تكلم واحد فالواتس مسميته بإسم بنت!!
احنا لانطلع ولا شي من البيت للدوام ومن الدوام للبيت وحتى السوق مانروح الا نادراً ويكون واحد من اخواني معانا...
ماندري شلون نتصرف فكرنا نقولها تأجل هالترم وناخذ الجوال منها والموضوع يفضل بينا احنا بس البنات ونفهم اهلي انها ماجابت معدل وبتجلس هالسنه فالبيت والسنه الجايه تدخل قسم اسهل
لو عرفوا مدري اش المصيبه الي بتصير فالبيت كله
وربي انا فحيره مايعلمها الا الله خايفين عليها لإن شخصيتها متهوره وجريئه ودايم تحس نفسها محرومه وان بيتنا معقد وفنفس الوقت جلستها فالبيت ممنوعه من كل شي بتتعب نفسيتها
اعذروني ادري كلامي ملخبط بس الله يعلم قد اش شايله هم وهالموضوع متعبني كتبت وانمسح كل شي...
اخواني اخواتي شوروا علي اش التصرف السليم
والله يسعد كل من رد علي او اتجاوب مع مشكلتي
التعديل الأخير تم بواسطة روح المساء ; 29-01-2012 الساعة 03:30 PM