عزيزتي اهات مكتومة

مساء السُكر

الغالية ..آهات

كل الي تحسي فيه انا احس فيه بالضبط
انا نفس الشي .. اعاني من نفس مشكلتج واعراضج
طبعاً هالشي صار بعد اكثر من 3 سنين زواج
بعدها ماعاد في ممارسات الا في السنة حسنة
وصرت اكرهه ومااحب ريحته ومن يجي البيت احس كأن جبال من الهم فوق صدري
وابكي ومابا اشوفه ,واحس عمري مخنوقة واني ماباه خلاص .
طبعا الي قال مسوين لكم سحر والي والي
بس انا استشرت دكتورة نفسية وقالت لي
ان هالاعراض كلها نتيجة الكبت الي يصير عندنا .. يعني كبت رغباتنا الجنسية
اضافةً الى الشعور بالاهمال من الطرف الثاني وكبت الضيق والمشاعر ومعاملة الطرف
الثاني كأن مافي شي ناقص.
انا في حالتي زوجي كلمني وقال لي انا احس فيج واعرف انج تعبانة معاي وصابره ويمكن ماتتحملين اكثر
وانا مااقدر البي رغباتج واذا تبغين راح اطلقج وشوفي حياتج او تصبرين معاي!
طبعاً الى الان انا صابرة .. ومااملك غير الدعاء من الله عز وجل .

نصيحتي لج .. اذا تبغين تصبرين
ماعليج الا التنفيس عن نفسج من خلال صلاة الليل والسجود والبكاء بين يدي الله
والدعاء لكِ ولزوجكِ. وان تشجعيه دائماً على انه قادر ويملك القدرة على الممارسة.
والله سبحانةوتعالى سيمنحكِ الصبر ويلسي قلبكِ.

اما اذا اردتي الطلاق
فيجب ان تفكري اولاً .. ماذا سوف تخسرين وماذا سوف تربحين
ولو تزوجتي مرة ثانية وزوجكِ الثاني لدية مشكلة مختلفة ولم تستطيعي احتمالها
هل ستطلبين الطلاق !!
في وجهة نظري ان الزواج على الرغم من السعادة والمحبة التي يمنحنا اياها الا انه اختبار من الله عز وجل في قوة التحمل والصبر .

ولاتنسي ان افضل واقصر الحلول للمشاكل هو التكيف معها !
اشغلي وقت الفراغ واملئي حياتكِ بالشيء المفيد والممتع ..

وفي النهاية الاختيار بيدكِ انتِ .. قراركِ وحياتكِ بين يديكِ

تحياتي لكِ واسأل الله ان يرزقنا واياكم الصبر والتوفيق