وعليكم السلام ورحمة الله وبركاته .........
حبيبتي ياحلمي ...وان شاء الله يتحقق حلمك اللي تنادينه 
أنا مثلك بالتمام .. مع الفرق في كل سنة 1 أو 2 فقط اللي يتقدمون ... وحطي بببالك .. ولا واحد منهم مناسب للي أحلم به .. لا تعليميا ولا وظيفيا ولا من ناحية العمر ... وممكن واحد أعزب والثاني منفصل بأطفال ..
تجي الشوفة .. ولاحظي أنا مارضيت به آبدا ومع ذلك أستخير ونفسي أدخل مزاجه !!!!
تدرين ليش ؟؟؟ لأني دخلت على كذا واحد للأسف ما أعجبه !! مع اني مقبولة الشكل وفيني مميزات مو موجودة بغيري وماشاء الله تبارك الرحمن ما تعرضوا للي تعرضت له ... والله ما أعترض !! يارب سامحني ...
الآن لو تقدم لي أحد .. أهم شي هو يرضى بعمري بس ولا أنا نفسي وصلت لمرحلة ما أرفض من قبل لا يشوف ...عشان ما أندم ،،، لأني عارفة الرفض بيكون منه بس بعد مايشوف ...
أول أدعي لنفسي ولغيري من البنات كبري أكبر شوي أصغر شوي ..
الآن اللستة هذي انقرضت ماعاد فيها الا أكبر وحدة 26 .. وماشاء الله تبارك الرحمن سمعت بخبر خطوبتها
الله يوفقها ويتمم لها على خير ...
أول مرة ... جد والله أول مرة .. أتأثر بسماع خبر خطوبة .. مع ان كثير تزوجوا كبري وأصغر لكن ، أول مرة ... والله ما أبغى أكون كذا ، غصب عني ...
حتى بالدوام .. أحس اني غير عنهم .. أنا الوحيدة اللي ماتزوجت ... مرة مرت وحدة زميلة جاية تراجع تآخذ مستحقاتها ... حكت زميلتي عنها قلت : ما أدري اذا بتكمل أو لأ ، لأنها حامل ... قالت توني جاية أقول غريبة تأخرت بالزواج ؟؟؟ وبعدين تداركت حكيها وصرفت ..
جيت أبقول .. ليش هي غريبة وأنا شي عادي !!! مع العلم انها عادية جدا ....
لاحول ولا قوة الا بالله .....اللهم آجرني في مصيبتي واخلف لي خيرا منها
* معليش فضفضت في موضوعك .... فيني كآبة الله يعلم بها ، والحمدلله على كل حال
اللهم ارزقني وصاحبة الموضوع والذوق النجدي وجميع بنات المنتدى والمسلمين الأزواج الصالحين عاجلا غير اجلا ، يارب ...
التعديل الأخير تم بواسطة غداً أفضل ; 06-02-2012 الساعة 02:14 AM