مرحبا للجميع ..

أكيد الكل يذكر حكايتي مع المريضة المسنة و زعل زوجي
و نصائحكم لي بزيارتها ...
و لما طلبت من زوجي رفض رفضا قاطع و قال كلام كثييير
ما له داعي اذكره ...
المهم اليوم رحت لخالي بعد خروجه من المشفى و ما شاء الله
حالته بتحسن كبير و خلص العلاج الكميائي و ما بقي
الا شوية فحوصات و مراجعات روتينيه ...
قلت لزوجي شفت انه بخير و ما فيه الا العافية ..
طالعني نظرة شك ..! فقلت له لا تفسر كلامي عاد ..و بلاش مواعظ
تري ما قصد شي ..
قال و الله ما دري عنك .. فقلت له أني إنسانه محترمة و طيبة جدا جدا
لكن عفوية و اذا يتأكد يوديني الحرمة المريضة اللي صار بينا سوء تفاهم ..
تفاجات صراحة انه و افق ...!!!
كنت بقول تكفي قول لا ... لكن ما يمديني أتراجع ...

جلست أتأخر شوي و امر على المحلات مو لاااازم أخذ عربون صلح
و حسيت ان زوجي بدات تفلت اعصابه ..فتداركت الوضع
وقلت له حبيبي خذلها حاجة على ذوقك ...
و اندمج بالموضوع و تأخر يادوب طلع من المحل لما قلت له يا طيب الزيارة
بتخلص و إحنا ما وصلنا ...
بس طلع مو هين .. ذووووق تحفة ..
باقة ورد نااااعمة و شوكلت مرتب بطريقة راااقية ..
وانا اللي كنت اظنه ما يعرف ..! ياخي بما انك فاهم
ليش حارمني من الهدايا الرومانسية كذا ...؟!!
فاسريتها بنفسي للمصلحة العامة ...

المهم رحنا و للأسف ان المريضة طلعت المشفي لها مدة ..
يعني ما عاد نقدر نشوفها ...
تضايقت صراحة و حسيت بالم ...! لكن سويت اللي علي ..
و قابلت نرجس صديقتي عاملة نظافة كانت تونسني و أنا
بالمشفي و تخدمني باخلاص .. طبعا بمقابل مو مجانا
فقلت لزوجي خلني أعطيها الهدية ...
لكن لزوجي نظرة اخري ...
و خلانا نزور مريضة اخري مسنة بعد لكنها تتكلم ..
فرحبت فينا و سولف زوجي معها شوي ،، و أعطاها الهدية
و دعت له و لي و حكت لزوجي ما ساتها مع بنتها ..
صراحة امر موجع ...!! ما دري اي سبب يقسي قلب الابن
على امه ...!!! و ايش الشغل اللي يمنعها من زيارة أمها ..

و خلصت رحلتنا و تصالحنا لان نفسية زوجي تحسنت
بعد الزيارة ... و انبسط كثييييير ...
و حس انه قام بعمل بطولي ...!!
و اول مرة يتكلم معي بانشراح بعد الموقف اللي صار


و اشكر الجميع لنصايحكم السابقة ...