اقتباس:
المشاركة الأصلية كتبت بواسطة ورد ساهر
اختي أوفر ..
فيه فرق و فرق كبير ..
بنت و حده أهون ضحية وحده بس .. و ممكن مع الايام
ينتهي من حياتنا نهايياً خاصة لو جوه عيال اكثر من الثانية
لكن اثنين ما ظنه بيخلصنا وكل مدة و الثانية وهو جاي ..فضلا عن الحمل مع نفسيتي الزفت .. و كرهي لحملي بشكل
كبير جدا و ولادتي و غيرها ..
و متأكدة لو عرف بنطول في الطلاق و ممكن اضطر للخلع
و هذا ياخذ وقت طويل ...
و ظيفتي الحمدلله مداومة فيها و ما ابغي أمي تعرف ..
عندي امل انه بينزل قريب ..
مع الوظيفة و الضغط و الروحه و الجية و التوتر ان شاء الله
ما يتم ..
|
الله يهديك يااختي ..فيه ام تكره ان طليقها يتواصل مع ابناءه...بالعكس شي طيب انه ابوهم كل مده والثانيه يجي يطل عليهم ويشوفهم...ولاكبروا هو الي يزوجوهم ويوقف معاهم..طفل واحد ولاطفلين بيضلون شايلين نفس الاسم ومااظن ان طليقك بينسى بنته ويلتهي عنها لانها بنت وحده بس هذي اول فرحه في حياته واكيد ماراح ينساها..
وتذكري انه الاب الي مو كفو وماعنده مروه..بيترك اطفاله سواء واحد ولا اثنين ولا عشره وماينفق عليهم ولا يسال فيهم...والاب الي عنده ضمير ويحب عياله ماراح يتركهم حتى لو كان طفل واحد وحتى لو جاب من زوجته الثانيه عشرين طفل ...لاتنظرين للموضوع من هذي الناحيه لان كل اب يختلف عن الثاني
اختي انتي ماتبين زوجك هذا شي خاص فيك...تبين تشيلين من حياتك شيليه ماتبين تغيرين رايك في الطلاق هذا شي راجع لك ..بس مو من حقك تنهينه حتى من حياة طفلتك..
لايكون مانعته انه يشوفها يااختي...مايصير كذا...بنتك راح تحتاج ابوها بعد سنين سند لها لاتحرمينها من زيارته ولاتحقدينها عليه ابدا..بالعكس خليها تحبه
صلي ركعتين واستعيذي من الشيطان وفكري زين..وخلي نظرتك مستقبليه وواقعيه اكثر.ولا تقهرين نفسك وتتتوترين عشان رجال..انتي خلاص عاقبتيه وقهرتيه بطلبك للطلاق وهذا يكفي اخذتي حقك منه وزياده والحين صار عنده حرمه وحده بس وهو قبل مبسوط انه بيصير عنده حرمتين...دامك هدمتي تخطيطه وقهرتيه خلاص ارتاحي ولاتفكرين وتمرضين نفسك عشان رجال..
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 08-02-2012 الساعة 05:53 AM