ياخوي افهم كلامي ..
أنا تنرفزت من كلمة حقوق كاملة أو تتنازل وتكون حقوق ناقصة ..
اكرررررره الظلم مهما كان .. و خاصة لو كان ضد شخص ما يستاهل منا
الا كل تقدير و له ماضي مشرف معنا ..
تكون من الخسه والدناءه اننا نبتزه بهالطريقة و نقول تتنازل ...باسم التضحية لبنتها
الله ما يرضى بهالشي ..
و الا عشانها ام نضغط عليها من ناحية امومتها و تتنازل عن حقوقها ...!!
و صغيرة توها عروسة و المصيبة عليها اكبر تحب زوجها و مخلصة له في زمن
كثرت فيه الخيانات بمستوياتها و مطيعته طاعة عمياء ( لو تراجعون مواضيعها )
و كيف حارمها حتى من الجوال و راضية هي ..
انا وانا زوجة ثالثة و الله ما ارضى بالظلم لأحد من زوجات زوجي حتى لو زعلت وانقهرت
و قلت كلام بوقت غضب .. لكن وقت الجد اخاف الله مع انهم حريم كبار تجاوزوا الخمسين
لكن الحق حق ..
و صدقوني لو ورد تكره زوجها كان ما انهارت كل هالإنهيار فالغيرة ما تكون الا من عاااشقة
ولا ضنها بتكرهه جد .. لكن الألم كبيير و ما تتحمل وحده ثانية مع حبيبها حتى لو شرعا ..
ولو كان غيرة تملك مثل ما يظن البعض كان سوت مثل بعض الزوجات ثارت وحاربت
و هدت الدنيا و تهاوشت معه ومعه زوجتة ولا خلتهم يعيشوا براحة كله عشان تسترده
و تتملكه لكن ورد لا .. انسحبت مجروحه و مصدومة و بهدوء ..
ولا ننسى انها فضلته على ابن عمها و اختارته لدينه و كان ممكن تتزوج افضل ..!
بعدين هو يتزوج بنت عمه بحجة انها قريبة له و امه تشجعه بحجة ان ورد غريبه ؟!!
كان خليتوا الغريبة لأهلها .. توهم يعرفون انها غريبة ..
هالغريبة اللي اشترتهم باهلها وقرايبها ..!!

و الحمل صعب بالوضع الطبيعي .. و بعض الحريم يكرهون ازواجهم منه ..
فكيف بوضع ورد ساهر بيكون اصعب ..
ترى الحمل شهووور بين الم جسدي ونفسي وو حام وغيره وغيره
و بعدها التفكير باولادة و الخوف منها و بعدها المخاض و هذا لحاله ماساة ..
كيف بتنسي و يخف عنها مصابها مع كل هذا ؟!!
زوجها ما عنده مشكلة متزوج و مبسوط وخفيف يتمتع و ينسى ويطلع ..
لكن هي ربي يعينها ويعظم اجرها ..