المشاركة الأصلية كتبت بواسطة ambitiousdream
السلام عليكم ورحمة الله وبركاته
على رسلكم يا اخوات على قولة المثل (الهون أبرك ما يكون)
الموضوع لا يستحق كا هالتشنجات ،، اتهمتوها بسوء الظن وأنها سيئة ظن وانتم في الواقع تسيئون الظن بها هداكم الله ،، هي لم تطلب شيء صعبا بل طلبت حق من حقوقها وهو القليل من الخصوصية فقط لا غير.
الفردوس غايتي تعالي حبيبتي جمعني الله بك في جنات النعيم
دخلتي قلبي مدري ليه سبحان الله أحسك إنسانا طيووووبة واللي بقلبك على لسانك ،،، هدي شوي هدي حنا نتناقش والنقاش لا يفسد للود قضية ،،
مسألتك محلولة وحلها بسيط جداً ما دام بيتهم كبير ما شاء الله أكيد له حوش وسيع ما فيها شيء يبني لك غرفتين وبوفيه تحضير صغير ودورة مياه وبكذا حياتي ضمنتي الخصوصية وبين القرب من والدته وممكن تحطون عندكم جرس بينكم وبينها اذا كانت كبيرة سن مرة ولا تقدر تاصلكم واحتاجتكم بالليل . وبكذا تأكلون وتشربون معها وتقومون بشؤونها وبنفس الوقت لك خصوصية ،، وتعجبني نظرتك للبعيد ،، أكيد له اخوات متزوجات ولهم اولاد سواء كبار او صغار فإذا اجتمعوا عند والدتهم يكون لك جناحك الخاص فيك اللي تاخذين فيه راحتك وهم بعد يأخذون راحتهم ويدخلون ويطلعون على راحتهم ،، على العموم اتمنى اكون قدمت لك فكرة تساعدك في حيرتك وممكن اذا ما كان عندهم حوش يكون في السطح ،،
ولا تنسين الاستخارة وخوذي الامور ببساطة وانا اختك وهونيها وتهون
عقبال ما أشوفك على الكوشة مبروك مقدما
|