المشاركة الأصلية كتبت بواسطة حطمؤؤك يااقلبي

وعليكم السلام
حبيبتي لا تستحقرين نفسك بهالطريقه
شفتي كل هالناس يغلطون وتتفاوت الاغلاط بينهم
اللي غلطه كبير واللي صغير
لكن باب التوبه مفتوح
يا اختي ربي ما يرد عبده اذا تاب وصدق في التوبه
كلام اختي سيدة الموقف صحيح لكن للي ما تابت ورجعت للطريق الصح
واللي يتوب ربي يغفر له ذنبه ان شاء الله
لا تكون نظرتك كذا بعض الصحابه كانوا كفار وبعدها دخلو بالاسلام وتابوا واخلصو العباده لله من بعد عبادتهم للاصنام
وتقبل الله توبتهم ومنهم من مات شهيد ومنهم من مات وهو يردد الشهادتين
اذا كنتي مخلصه بتوبتك صدقيني ربي ما راح يخذلك
وبيعطيك احسن من اللي تتمنينه
ويا كثر الامثله
غلطتي وانتهينا احنا بمرحلة طي صفحة الماضي لصفحه جديده بيضا بعيده عن صديقات السوء عن التهاون بالعباده عن كل شي مو زين
الصفحه قدامك بيدك تحددين وش بتكتبين فيها
طاعه عباده ثقه بنفسك رفقه صالحه افكار دعويه استغفار قرب من الله الصفحه بيضا اختاري اللون اللي تحسينه الافضل
وسطري فيه اشياء تفتخرين فيها

الحياه ما توقف عند خطاء لا تأسرين نفسك في الماضي والمستقبل قدامك
دامك تقدرين على التغيير لا تتأخرين
لا تقولين ربي بيردها لي بزوجي بعيالي وووو
ابعدي هالافكار من راسك وغيرك ذنبه اعظم وتاب والله ما خذله


اتمنى لك التوفيق وحياه احلى من ما تتمنين
يلا عاد فكري بشي زين عشان تكتبينه