اختي
الله يعينيك و يفرج همك ياارب ... ويقومك بالسلامة يااارب
اخيتي .. لساتك ماكملتي سنة متزوجة .. وهذا سبب يخلي زوجك حذر بتعامله معاك شوي
وقد يكون يستمع لاخته اللي تعطيه نصائح خاطئة .. لكن انتي بردات فعلك تثبتي كلام اخته بعقله
بمعنى زي موقف البطانية>> طبعا معاك حق بس زي ماقالت المسداني
غلطتي بردة فعلك .. فلما يحكي لاخته.. على طول بتقول له شفت مش قلت لك
انها نكدية و انها مش طيبة و انها بتبص لحاجة غيرها و مابتحبش البنات
يعني بتطلع فيك الف عيب وهو بيصدقها لانه شاف بعينه ردة فعلك الي اعتبرها غريبة ...
حبيبتي حاولي تكسبي زوجك.. معاك 3 اشهر لغاية الولادة حاااولي بكل الوسايل تكسبيه لصالحك
وحدة وحدة تلاقي طبعه اتحسن
لما قرات اول مشكلتك قلت الله يعنيها و الطلاق اهون
بس لما قرات الردود شفت بصيص امل.. فا حاولي معاه و الطلاق اخر الحلول طبعا ...
طيب كيف تكسبيه ..
**ادعي الله كثييييرا انه يلين قلب زوجك عليك و يسخره لك ...فوحده القادر على كل شيء
** تقليل المشاكل ... حااااولي تطنشي صغائر الامور ... خليك بشوشة بوجهه
اخدميه و اولاده.. احسبي كلامك قبل ما تقولبه . وفكري بردودك و افعالك
وابعدي عن العصبية و النكد
**حاولي تكسبي اطفاله (فعلا انقهرت عليهم .. للعمر دا و يبللوا الفراش
معناها نفسيا تعباااانين من ابوهم و من وفاة امهم .. فااكسبيهم و ربي اكيد بيبارك لك في اولادك )
ومن ناحية ثانية ابوهم بيموووت فيك .... ولا يمكن يقدر يستغنى عنك اذا كسبتيهم
ساعتها فعلا ممكن تطالبي بحقوقك و انتي عينك قوية وتقوليها بوجهه يا تعطيني ياما باروح
لانه ساعتها بيخاف على اولاده اللي ماصدق انهم تعلقوا فيك ..
فا مهم مهم مهم تكسبيهم لصفك .. منهم اجر و منهم بيخدموك في تقوية العلاقة بينك و بين زوجك
**اذا قدرتي تتواصلي مع اخته و تكوني علاقة كويسة معاها .. فابتكوني وفرتي على نفسك الكثيير
اهديها .. اعزيمها .. اطلعوا سوا للسوق.. خذي رأيها بشوية مواضيع ...
**تظاهري بالبخل .. هذه الصفة بتعجبه و تخليه يرتاااح لك كثيييييييير
يعني اذا طلعتو و اشترى شي ..قولي له ليش تشتري وفر الفلوس . احنا لازم نقتصد عشان نوفر
لازم نشتري بيت ...او اختاري السلع الارخص وقولي له عشان نوفر
ودايم ناقشيه بالبيت ووين بتبنو و كيف شكل البيت .. بيني له انك فعلا مهتمة و انه صار حلمك
اذا حابة تطلبي شي اطلبيه بشكل غير مباشر . يعني لا تقولي له اشتري لي خضار و فااكهة و تسويها مشكلة اذا مااشترى
قولي له بهدوء انا حامل وعندي ضعف عام .. فاياما اتغذى كويس ياما بتضطر توديني
للطبيبة و نخسر حق الكشف و التحاليل الخ الخ ويمكن الضعف العام يسبب لي ولادة قيصرية
بعد الشر يعني تكاليف زيادة .. فا احسن نخسر شوي للاكل و الشرب و لا نخسر الوفات بعدين ؟؟؟؟ انت قرر
وسيبيه و امشي ...
وخليك عالاسلوب دا .. بيني له انه فعلا البخيل بيدفع مرتين زي مايقال .... بس بهدوء
وبدون مشاكل و لوم و عتاب و نكد .. وطالما انه بيتأثر بسرعة . اذن باذن الله تنفع معاه هذه الطريقة
**اخيرا نصييحة نصييييحة ... لا تفكري تنجبي الثاني و الثالث منه ..يكفيك اللي ببطنك في الوقت الحالي
وبعدها شوفي امورك معاه .. اذا قدرتي تتأقلمي و تلاقي مفتاح له .. انجبي
واذا استمرت المشاكل ايااك والحمل مجددا ... لانه مطلقة بطفل منه احسن من مطلقة ب 3 ولا 4
الله لا يجيب الطلاق و ربي يسخره لك و يحببه فيك و يسعدك و يبعد عنك المشاكل و الهموم
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله