زوجك مهتم فيك وخايف على بيته ومايبيه ينهدم وحتى حريص عليك مايبيك تتعبين أكثر وينتظرك تهدين
صحيح بأنه طريقته ماتعجبك وماتعجب أغلب البنات لأنه يجيك ويقولك كم كلمة ويهرب خايف يواجهك ويعتذر بشكل
مباشر ويستصعبها على نفسه ، فيه رجال كذا ربي خلقهم بالطبع هذا لكن أفعالهم تدل العكس
زوجك متخبط حاسس بغلطه وزعلان على نفسه وخلى نفسه بموقف محرج وبنفس الوقت مو عارف التصرف الصحيح
ولو عرفتي إنه ماقال لأهله أي شي تأكدي بأنه دليل إنه حاسس بغلطه ومايبي مشكلتكم تكبر
إن شاء الله ربي يهديه ويحنن قلبه أكثر ويكلمك ويرضيك ويرجع كل شي طبيعي
لا تنسين الإستغفار وادعي ربك يجعل زوجك قرة عين لك ويكفيكم كل شر
قلبي معك وانتظر الاخبار الحلوة بإذن الله