الحمدالله ان ربنا اظهر برائتك وربنا يحل اموركم ويصلحها يارب

اختي الغالية بعض الرجال مايقدروا يتحملوا مثل هاذي الأمور

ودمهم حار ويفقدوا عقولهم في لحظات ويركبهم الشيطان

ويرتكبوا أخطاء كبيرة وقاتلة وهم في غير وعيهم من شدة

غضبهم بالذات لو الكلام يمس شرفهم تلاقيهم يتجننوا ويتصرفوا

بدون عقل وبقول لك قصة صارت قدام اسبوعيين لولد صديقتي

الغالية التي يعلم الله انه ماجمعني بها إلا حب في الله وماعرفتها

الا في حلقات الذكر وتحفيظ القرآن ومااجتمعنا انا وياها الا في

طاعة الله يشهد الله اني ما احببتها إلا لتدينها ولحفظها للقرآن

ولحسن تربيتها لأولادها اللي كانوا بمنزلة اولادي وتربوا مع

اولادي ولدها الكبير لما عرفتها كان عمره 4 سنوات تربى ونشأ

على طاعة الله وحفظ كتاب الله كاملا وهو مازال يدرس في

المتوسطة حياته كلها في حلقات التحفيظ ومجالس الذكر والعلم

اصحابه قلة وكلهم رفقة صالحة من اهل طلب العلم وحافظين

للقرآن شاب هادئ الطباع ومطيع لوالديه متفوق في دراسته

دائما نسبته ماتقل عن 97في المئة ماشاء الله تبارك الله ماعمرنا

سمعنا عن هاذا الشاب وعن اسرته إلا كل خير اسرة ملتزمه

ومتدينه وفيهم خير نحسبهم كذلك والله حسيبهم الشاب يؤذن

ويصلي بالناس في مسجد الحي عمره 20 سنه

الله قدر عليه وابتلاه بمصيبة وكارثة ولاكانت على البال ولا على

الخاطر انا انصدمت لما سمعت الخبر والله واقسم بالله اني

حسيت بقهر وحرقه والم من شدة صدمتي واقسم بالله إني

عادته واحد من اولادي من يوم كان هو صغير طفل

ولحد الآن مقهورة ومجروحة على حال الولد وحال امه المسكينه

المغلوبة على امرها كل ما ازورها تبكي وكل ما اكلمها تبكي

وتدعي الله يفرج عن ولدها مصيبته وكربته

ولدها بالسجن والسبب جريمة قتل ولدها قتل ولد جيرانهم البالغ

من العمر 25سنة والسبب إنه المقتول تحرش بأخوه اللي اصغر

منه ويبغى يغتصبه والولد ماقدر يصبر ويستحمل من قهره على

اخوه اللي صارت معاه المشكلىة مع ولد جيرانهم وراح

من شدة القهر ومن كثر مايسمع بسوالف الناس عن مشكلة اخوه

مع ابن جيرانهم راح وقتل الولد اللي تحرش بأخوه الصغير

والحين هو في السجن ينتظر الحكم اسأل الله ان يفك كربته

ويحفظه ويقر عين امه بشوفته والله العظيم انه شاب تقي نقي

وماعرفنا عنه إلا كل خير كل حياته في طلب العلم ودراسته

ويتطوع لأعمال الخير وكل الناس اللي تعرفه مقهورة على

اللي صار معاه وانا اولهم والله إن قلبي يتقطع علية تقطيع وكل

ما اشوف حالة امه واخواته يزداد حزني وقهري عليه من ماصارت

المشكلة مع هاذا الولد وانا بالي مشغول وخاطري حزين عليه

واحس بقهر وغصة فما بالكم بأمه المسكينه ولدها الكبير واملها

فيه بعد الله عز وجل يكون لها ولأبوه وإخوانه سند وعون

كل ما ازورها البيت واشوف حالها يقطع القلب تبكي حتى تجف

دموعها نهارها صيام وليلها قيام لعلا وعسى ربنا يفرجها على

ولدها وفلذة كبدها نفسيتها محطمة ياالله ما ادري وش اقول لها

وايش اصبرها فيه وانا بنفسي مقهورة من داخلي ما املك لها

ولولدها إلا الدعاء لوجه الله الكريم عسى الله يلطف بحالهم

ويلين قلوب اهل الدم ويسامحوا الولد ويعتقوه لوجه الله سبحانه وتعالى ويرده لأهله بخير وسلامه يارب .

يا إخواني واخواتي ساعة الغضب الشيطان يركب ابن آدم من

راسه لساسه وينعمي عن شوفة الحق والحقيقة ويرتكب امور

لاتحمد عقباها نسأل الله السلامة في كل الأحوال .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله