لا حول ولا قوة إلا بالله .. والله يا الغالية تألمت لوضعك وحالة بيتكم
وحاسة فييك وبالحسرة اللي بقلبك على أمك بالذات بقولك لك اللي عندي وإن شاءالله ينفعك يارب
وحده من صديقاتنا مثل كذا كانت تشتكي أن والدينها ما يركعونها وكانو أصحاب منكرات كبيرة وتعاوننا
عليها وإخترنا لهم مجموعه طيبة
من الأشرطة وكانت تشغلها في الصاله بحيث يستمعون لها ورتبنا لها مع الداعية مجموعه محاضرات
مقصودة في المسجد اللي بجنب بيتهم وكانت تحضرها البنت والأم وأشياء كثير ومن هنا ومن هنا ومع
الدعاء يارب لك الحمد تغير وضع الأم وبكت كثير لأنها كانت مضيعه وقربت من الله وصارت تصلي
وما تصدقين لو أقول لك صارت صديقة مقربة للداعية وتحضر معها وشاركت باللجان المشاركة سبحان
ربي غير حياتها بسبب حرص بنتها ..
ف أنا أقول الحمدلله اللي ربي خلاك بينهم وإبدأي يا اختي بوالدتك في البداية تعرفي على أقرب وحده
من صديقاتك الملتزمات بحيث تروحين وتجين معها للمحاضرات شغلي في البيت محاضرات ترقق القلب
تتكلم عن المرأة وعن الجنة ونعيمها كترغيب في البداية عشان تحببينها وترغبينها وشوي شوي بتلقين ثمرة
تعبك على الوالدة ولا تنسين الدعاء أهم شي هو سلاحك أقول لك عن تجارب مو تجربة وحده وانتي أكيد عارفة ..
وبالنسبة لأخوانك انا بصراحة لو كنت مكانك بتبع طريقة مرة ناشفة وأدري انها غلط وبتقولين قاسية لكن
الأولاد ما يبغالهم إلا كذا والله لو تجينهم باللين ما جاو أنا مقتنعة بكذا عشان كذا أقول لك كوني صارمة
معهم ولا تلينين ..
ولو كنتي ساكنة في جدة قولي لي عشان أدلك على المساجد اللي أروح لها أربع مرات بالأسبوع وفيها
أسماء معروفة ولو تبين أرقام داعيات بعد بعطيك ..
الله يفرج همك ويبدل حال أهلك يارب لما يرضي الله سبحانه وتعالى
وقبل لا أنسى اسمعي في اليوتيوب عن إسم الله المجيب حلقة في برنامج للداعية عمرو خالد
كلامه رائع جدا ويعطيك دفعه أمل ويحسسك إن الدنيا كلها سهله واي شي تبينه ربي بيعطيك
ربي معاك

__________________

‏
الوعي هو الملاذ ..

أستغفر الله العظيم ؛
( الفردوس غايتي )