فعلا مشكلتك محيرة
لكن ليه ما تجيبي ورقة و تعقدي مقارنة و تكتبي إيجابيات و سلبيات الاستمرار في هذا الزواج
هذي راح تكون لك مثل الميزان عشان تعرفي أي كفة راح ترجح
و الأهم من هذا كله .. إذا إنت قررت البقاء مع زوجك هل تشعرين إن زوجك راح يعدل بينك و بين اللي راح يتزوجها ؟؟
لأن هذا أكثر شي راح يؤثر على نفسيتك

في سيناريوهات عديدة للي ممكن يصير :

1- إذا قررت البقاء معه:
ممثلا ممكن إنه يستقر مع زوجته الجديدة و ينجب منها طفل .. فكري كيف راح تكون نفسيتك؟؟ و هل تضمني إنه راح يعاملك كويس؟ ولا راح يزيد اهماله؟ أمه هل راح يزيد أذاها ليك؟؟

أو يمكن زوجته الجيدة مثلك راح تعاني مما كنت تعانيه سواء منه أو من أمه و ممكن ما تتحمل و تعمل مشاكل
و عندها زوجك راح يعرف مقدار تحملك و صبرك.. و على قولة المثل: "ما تعرف قديري إلا لما تجرب غيري"
و يمكن تتحسن معاملته معاك لأنه عرف معدنك

2- إذا قررت الانفصال عنه:
إنك تتزوجي و تنجبي بإذن الله
أو تبقي من غير زواج
أو تتزوجي لكن يكون الله ما كتب لك عيال

طبعا هذي مجرد تكهنات بس حبيت أعطيك أمثلة عشان إنت تقعدي مع نفسك و تشوفي مستقبلك فين

و لا تنسي الاستخارة

و طمنينا عليك

__________________
الدنيا يمكن تكون حلوة ... بس يا ريتيني أقدر أفهمها !!!