انت رجل حكيم ربي يوفقك ويجمع مابينك وبين زوجتك على خير
طبعا زوجتك ممكن تكون اتعرضت لاساءة والناس تتفاوت في القدرة على الصفح والتسامح
ويمكن هي مازالت تعاني صعوبة في التغاضي واللي حولها مثل ماقالتلك زميلاتها محرضينها على القطيعة ربي يصلحهم
اذا هي مو قادرة تتغاضى ولاتعفو براحتها لكن لابد انها ماتجبرك على نفس التصرف خصوصا انه في صلة رحم
وانت قلت انه اختك علاقتها جيدة بزوجتك ومشاكل الحريم ماينفع يتدخل فيها الرجال
انت قولها لو مثلا اطفال اتهاوشو ورجعو اتصالحو عادي بزران ويلعبون
هل يصح انه اهاليهم يستمرو في المنازعات بسبب هالمشاكل؟؟
( لاتزر وازرة وزر اخرى )
يعني لو المشكلة بين الحريم الرجال صعبة يتدخلون فيها
بس انت يبيلك تسايسها وتذكرها باجر العفو والصلح وانه العفو من شيم الكبار
والتسامح يريحها هي نفسيا ,, لانه الحقد والكره يفتك بصاحبه ويسبب له الامراض النفسية والجسدية ايضا
وعليك بمدحها وانها هي زوجتك وانت معاها على طول بس لازم تصل باهلك
وكرر ايات العفو والصلح لها وذكرها بالله ووقت ماتكون هي هادئة حاول تقنعها بالكلمة الطيبة
والله يهديها لك ويسخركم لبعض