اجلسي مع ولدك انتي وهو لوحدكم اتكلمي معاه في امور هو يحبها وخليه ياخد راحته بالكلام و واتكلمي عن اصحابه وممكن الواحد في دا الزمن يتعرف على ناس بعيدين عنه عن طريق النت
واساليه اذا هو اتعرف قبل كدا اولا على واحد في النت
اذا قال ايوه وحكالك جريه بالكلام وخليه يحكيلك كل الدار بينهم اذا ماجاب سيرة المقطع قوليله انو في ناس وسخين في النت ماعندهم ادب زيو زي الشارع اساليه انت تقدر تتكلم مع اي احد في الشارع وتصادقه بدون ما تعرف كيف هو وكيف اخلاقه !! قوليله انا اخاف اصادق اي احد في النت الا اذا كنت اعرفها وهي من معارفي لانه احيانا اذا كان انسان مو محترم ووسخ راح يرسلوا مقاطع مو كويسه وقلة ادب وجريه بالكلام عشان يكلمك عن المقطع ووريه ان اللي يعمل كدا مو متربي ومافي احد يصادقه ويحاول يخرب باقي الاولاد وخليه يحكيلك عن اللي شافه في المقطع عشان اذا حصل شئ تاني يحكيلك ويسالك احسن من يعرفها من غيرك في الشارع وتوضحيله وتشرحيله بطريقة هاديه انهم ناس ما يخافوا الله وما يهمهم الاخره والحساب ونحن مسلمين نخاف الله وما نتفرج هذي الافلام والمقاطع الوسخة خليه يرتاح في الكلام ويكون مافي حواجز بيناتكم
__________________
[IMG]http://im11.***********/2012-01-23/1327344345591.png[/IMG]
التعديل الأخير تم بواسطة (سوسو) ; 17-02-2012 الساعة 11:38 AM