اختي الكريمة انتي الحين مازلتي تحت تأثير الصدمه من الموضوع

وهاذا اللي مخليك متضايقة وكثيرة الخصام والزعل معاه

وتحتاجين وقت حتى تهدى نفسيتك وتفكرين وتسألين وش السبب اللي دفع

هاذا الرجل بالتفكير في الخيانه طبعا قلت الوازع الديني عنده

هاذي رقم واحد ثاني شئ الوقت اللي فكر يخون فيه وهو وقت

ولادتك طبعا قلت دين مع وقت حاجة الشيطان يغري الإنسان

الضعيف ويحبب الحرام له ويحليه في عينه بالإضافه للمؤثرات

الخارجية احتمال شاهد منظر اثار غريزته هاذي الأسباب كلها

تدفع الزو ج للخيانه انتي فكري بالشئ اللي خلاه يسوي كذا

وحاولي انك تتناسين الوضع وتسامحينه مو علشانه هو ولاكن

علشان اولادك الله يحفظهم لك وعلشان نفسيتهم انتي ام

ناجحة وتحاولين اصلاح اولادك وتسعين لراحتهم واستقرارهم

وهاذا شئ جميل وطيب وبإذن الله تعبك ماراح يرو ح بتلاقين

مازرعتيه اليوم من خير في اولادك بتحصدينه غدا ان شاء الله

وانتي وزوجك بينكم عشرة عمر ماهي بسيطة وطول هاذي

السنين مافكر يخونك وانتي ذكرتي فيه صفات طيبه ماعاد عدم

محافظته على الصلاة وبإمكانك اصلاحه من هاذي الناحية

وبالذات في هاذا الوقت والظرف اللي انتم تمرون فيه

ناقشيه فهميه انك ماعدتي تثقي فيه الا إذا رأيتيه التزم بالصلاة

في المسجد مع الجماعة وغض البصر قولي له اذا بغيتني ارضى

عنك وانسى السالفة اللي سويتها ارضي الله عنك خل ربنا يرضى

عليك بالأول لو رضي الله عنك انا ذاك الساع ارضى عنك

واسامحك لو شفتك ملتزم بالصلاة ومحافظ عليها بالمسجد

انا رايحة اسامحك واتجاوز عن زلتك طبعا انتي تسوين كذا

علشان يتمسك بالصلاة ويصلي مع الناس جماعة وحتى الشيطان

لايجد عليه سبيلا لو الجانب الديني صار عند زوجك قوي بإذن الله انه رايح

يتغير وماراح يفكر مرة ثانية بمثل هاذي الأشياء واستعيني بالله

ثم الصبر الصبر وعليك بسهام اليل فإنها لاتخطئ ادعي

الله عز وجل له بالهداية والصلاح والعفاف اضغطي على نفسك

علشان اولادك يتربوا تربية سليمة هما فتحوا عيونهم عليك

انت قائمه بكل شئ يخص رعايتهم وتربيتهم وجميع احتياجاتهم

انتي مسؤلة عنها وصعب جدا انك الحين وفي الوقت الحالي

تتركيهم يحسون بمشاكلك مع ابوهم نفسيتهم رايحة تتأثر

ولو عرفوا الكبار بسبب خلافكم ابوهم رايح يسقط من عيونهم

وما راح يحسبوا له اي حساب ولا راح يحترموه فأنتي ضحيتي

ومازلتي تضحين علشان عيالك لو كبرت مشاكلكم لا سمح الله

لمين بتتركي اولادك اللي تعبتي عليهم وعلى تربيتهم

اذا كان ابوهم بهاذا الضعف وهاذا التفكير كيف تثقين فيه

انتي نفسيتك بعد هاذي السالفة تحطمت وتدمرت حاولي

انك تتحملي وتصبري وتتناسي الموضوع مع محاولة اصلاح زوجك

ونسأل الله ان يهدي زوجك ويصلحه ويؤلف بين قلوبكم

ويجنب زوجك كل الفتن ماظهر منها وما بطن اللهم آمين يارب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله