بداية أحييك بتحية الاسلام وأحيي فيك
صبرك الي هذه اللحظة انتي انسانة قوية ماشالله وانا اجزم
لو انه وحدة غيرك ضعيفة كان ما تحملت الله يكمل لك بعقلك
ماشالله تبارك الله ويحفظ لك ربي أولادك ويقر عينك بهم ..
شوفي يالغالية .. صدمتك ماهي بهينة لكن تدرين انا لو مكانك
بعذره .. لا تستغربين من ردي وكلامي أعلمك ليش
يا اختي في الله الرجال انا ما اواخذه علي الخيانة مثل المرأة
لانه لما يغلط ما تجيه لحظة يفكر اي فرصة تجي ووازع ديني ضعيف
وصلاة مشي حالك .. هذا سهل يقع ولو بعد حين
والشيطان قريب من الرجال في هالناحية خصوصا انه استغله بوقت
اربعينك يعني انعمى الآدمي ويقولك المثل قوي شوي بس فيما معناه
ان الرجال ينلخم وهذا اللي حصل مع زوجك لانه محاصر من إبليس
لكن لو كان الوازع الديني قوي رجال حريص علي صلاته في المسجد
كان حاله حال الأزواج العاديين اللي يجي لزوجته بوقت الاربعين وتريحه بطريقتها
مو شرط يقربها انتي فاهمة علي ..
المقصد يا الغالية ان انتي تساهلتي شوي في موضوع صلاته
ولا كان الأجدر بك ك زوجة حريصة على نشأة أولادها انك تهتمي فيه من هالناحية
في ظل اهتمامك ب تعويض الفقد اللي تحسي بيه وبحثك عن الاهتمام منه
وحبك لاناقتك لتجذبيه وهو ما فطن .. ما ألومك الانسان يدور ع حاجاته بالأول
وغير كذا انتي مدرسة يعني طبيعي تهتمي بنفسك تماماً ..
انا ما اقول لك اللي سواه سهل ولا أبيك تعذريه.. لكن حبيت أفهمك بس ليه صار كذا
بالعكس انتي لازم تبينين له رده فعلك وتوضحين زعلك منه لكن ابي من داخلك تعذرينه وتحتوينه
والحل مع هالموقف ..
انك تتكلمين معاه ومثل ما ذكرت لك بنت الحكمي انك تقوين الجانب الديني فيه
هذا زوجك وأبو عيالك وملزومة تدعين له
ادعي له بصلاتك ربي يحميه لك ويهديه لعياله ولصلاته
حاولي تجددي الحب بعد الاطفال هذول ولو بشي يسير
خوفيه من الله كثير وقولي انا مسامحتك بس اهم شي ربي يرضا عنك
الدنيا مو مستاهله وهو بنفسه راح يستحقر نفسه صدقيني
الله يريح بالك يارب ويهدي سرك ويهدي لك ابو العيال

__________________

‏
الوعي هو الملاذ ..

أستغفر الله العظيم ؛
( الفردوس غايتي )