الأخت الكريمة اموله المرض قدر وابتلاء من رب العالمين

وانتي الله ابتلاك بالسكر وزوجك الله ابتلاه بفيروس الكبد


وفي كل الحالتين انتم كلكم تحملون مرض مزمن بالنسبة لمرض

زوجك هو فعلا مرض معدي لاكن توجد له هناك لقحات خاصة

بالأشخاص اللي يخالطوا المريض وفي الوقت الأخير هناك

بارقة امل لمن يعانون من هاذا المرض وقد وجدوا له علاج

واثبت فعاليته لدى المرضى وانا اعرفةاسرة كاملة مصابة

بهاذا الفيروس امهم وابوهم سليمين وعيالهم 5كلهم مصابين

بهاذا المرض ومتزوجين ومخلفين وعندهم حتى احفاد طبعا

اعرف زوجة واحد من هاؤلاء الإخوان عز المعرفة عندها اربع

بنات وحامل من زوجها ولما سألتها كيف متعايشة مع وضع زوجك

قالت لي بالبداية انصدمت وشفت زوجي معزول عني طبعا هما

اكتشفوا مرض زوجها بعد مرض واحد من اخوانه والمستشفى

طلبوا كل

العائلة يعملوا تحاليل وعملوها وطلع زوجها مصاب وقتها كان

عنده بنت واحده فقط وتعبت نفسيته بعد ما سمع من الدكتور انه

مرض معدي وان افراد الأسرة لازم تاخذ احتياطاتها لما

تخالط المريض طبعا هو الرجل متزوج كان له عشر سنوات

وجابو ازوجته وبنته يعملون تحاليل وسبحان الله طلعوا سليمين

واعطوهم تطعيمات علشان المرض ماينتقل لهم الحين

متزوجين لهم 22 سنه ومخلفين اربع بنات والحرمه حامل

والحمدالله مافيهم شئ عايشين حياتهم بشكل طبيعي وكمان

اعرف اكثر من اسرة ابوهم او امهم مصابين بهاذا المرض

بس الحمدالله راضين بقضاء الله و قدره وعايشين ومتأقلمين

مع الوضع المرض ابتلاء من الله عز وجل وانتي وافقتي

عليه وتزوجتيه وانتي تعرفين انه مريض ليش الحين تفكرين

بالطلاق بعد ماعلقتيه فيك اختي الكريمه الزواج مو لعبة

نلعب فيها وبعد مانمل منها نرميها وندور غيرها الزواج شئ

عظيم والرجل هاذا تزوجتيه هو انسان عنده احاسيس ومشاعر

وعنده مايكفيه من الهم والحزن على نفسه وانتي تزيديه على

مافيه من الهم بكلامك الجارح بدل ماتسانديه وتوقفي معاه

وتضحين من اجله مثل مايضحي من اجل سعادتك وراحتك ليش

ما تحاولين تطلعينه من حالته النفسيه وتعطينه امل في العلاج

من مرضه وتبحثين وتتقصين اكثر عن الحالات المشابهة لحالة

زوجك وترى اصعب شئ على النفس لما الله يبتليك بمرض

وتشوف الناس كلها صادة عنك بسبب هاذا المرض اللي الله

ابتلاك فيه وانا اقول لك احمدي الله واشكريه لأنه انعم عليك

وتزوجتي رجل صالح ملتزم بصلاته وعارف حدود الله

انتي لاتنظرين الى مرضه الذي هو قضاء وقدر من عند رب

العالمين ولاكن انظري لدينه واستقامته وصفاته واخلاقه زوجك

لوقدر الله وكان عقيم ماينجب عيال لو تطلقتي منه ما فيه احد

بيلومك على طلاقك لأنك تبغين العيال والذرية الصالحة لاكن

تطلقين علشان انه مريض والمشكلة انك كنتي عارفه مرضه

وسائله عنه قبل الزواج ووافقتي عليه بإرادتك والحين تقولين

كارهته وابغى اطلب الطلاق وش سبب كرهك له الحين وايش

سبب رفضك له وش الشئ اللي ما عجبك فيه الحين علشان

تعاملين زوجك بهاذي الطريقة وهاذا الأسلوب اختي الكريمه

فكري زين قبل ماتتخذي اي قرار ونسأل الله العظيم بأن يمن

عليك وعلى زوجك وعلى جميع المسلمين بالشفاء العاجل من

من كل مرض وابتلاء اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله