فقرة عشرة اختصرت الموضوع كله وهو النظر من منظور الله تعالى ..
وانا اشوف انها ما تصدر الا من من في قلبه مرض سواء ذكر او انثى ..
وهذا هو السبب الرئيسي لكل خيانة فمهما برر الخائن لنفسه فاعتقد ان ما فيه مبررات
شرعية معتبرة للخيانة حتى عند غير المحصن ..
لكن الملاحظ انها من جانب الذكر تصير وااايد الخيانة لانه شهواني بالدرجة الاولى
وخيانته متعمده و كلها تقتصر على الجنس ..
اما الانثى فهي في المقام الاول تبحث عن العاطفة و القبول و تقدير الذات من خيانتها
طبعا انا ما برر لها بس هذا الواقع فهي ما تبحث عن الجنس ابدا ..
او انها ترد خيانة زوجها بخيانتها له وانتشرت بين المتزوجات ..
او ان زوجها مقصر معها فماتقدر تترك عيالها فتلجا للخيانة لتعويض النقص
و مراكز الإستشارات امتلات من مثل هالقصص لخيانة الزوجات ..
و سبب كثرة خيانة الذكور بعد هو تبرير المجتمع لأخطائهم
و التحيز للذكر حتى في الأحكام ..
مثال تشتكي وحده من خيانة زوجها يجي يقولوا لها انته السبب اكيد مقصرة بحقه
اهتمي فيه وايد و لا تخربي بيتك و من هالرمسه المعتادة ..
و يتقبلها الكل جي عااادي بحجة ان جي طبع الريال يدور على اللي ناقصنه ..
اما لو حد اشتكى من خيانة زوجته يختلف الكلام و يختلف الحكم ..
فطبيعي يحس الريال ان خيانته عادية لأنه ببساطة ريال ...
مع ان الله تعالى ساوي بينهم في العقاب و ما عطي حد منهم عذر خاصة للمحصن
فاللي يحس ان زوجته مقصرة فالاولى يصارحها بدل لا يخون و يتعذر ..
مع اني مب مقتنعة ان ذى سبب للحرام ...
فالله اغناه بالحلال و ابواب الحلال وايد خاصة للذكر ..
واخيرا اعتقد ان الخائن مايصلح يكون زوج ولا الخاينة زوجه ..
ومشكور على الموضوع اللي وجع قلوبنا ^ــــــــ^