ممكن تنقل مشكلتك لقسم ساعدوني واطلب من والدنا رجل الرجال يساعدك

وحاليا لازم تحافظ على اذكارك وتذكر بها امك واخوانك باسلوب حلو لو تقراها بصوت مسموع
وحاول كل يوم تقرا جزء من القرآن
مثلا بعد صلاة الفجر تقرا عشر ايات وبعد صلاة المغرب برضو عشر ايات

وان شاء الله امورك تزين وتصير احسن من اول وتذكر
قوله تعالى "الا بذكر الله تطمئن القلوب"

وحاول انك تبتعد عن اي شي ينرفز امك اكيد انت ذحين تعرف كل شي ينرفزها
هي تحبكم بس تلقاها مضغوطه من شغل البيت والاهتمام بكم
ساعدها بأي شي تقدر عليه فالبيت حتى تخفف عنها شغل البيت لو شويه
مثلا ذاكر لأخوانك
المغرب علمهم الاذكار
اذا لاحظت انها تعبانه ممكن انت تسوي العشا عنها بس حاول انك ماتحوس لها المطبخ
واذا خلصتو من الاكل برضو ممكن تساعدها انك تشيل اواني الاكل عنها وقول لها انا ابغى اريحك
وكمان اهم شي اذا صحيت من نومك رتب غرفتكم وقول لأخوانك يساعدونك بس اذا عاندو لاتعصب
انت سو اللي عليك وبعد فتره راح يقلدونك بكل شي لانك انت مثلهم الأعلى وقدوتهم فالبيت

واذا عصبت امك عليك قولها الله يهديك ويحفظك لنا انا ماحب اشوفك زعلانه واشرح لها موقفك من دون لاتعصب انت

شويه شويه راح تتغير معاملتها وتكون اكثر هدوء هي واللي فالبيت كلهم
ان شاء الله اني قدرت افيدك لو بشويه