اخي الكريم اتوقع ان مصدر فلوس زوجتك الأولى هو
انها عندها حساب خاص بالإستثمار في الأسهم ويمكن انها
مشتركة في احدى الصناديق الإستثمارية اللي ارباحها تنزل
بالاسبوع وينزلوها لها في حسابها بالنسبة لصديقاتها احتمال
تكون زوجتك تبيع وتشتري بسوق الأسهم وهما معطينها مبلغ
من المال علشان تشتري وتبيع لهم ولها نسبة من الأرباح
كمان احتمال ان المشغل باسم زوجتك والحريم الأجانب هما
اللي يشتغلوا فيه والمشغل ملك لزوجتك او شراكة هم وياها
في المشغل الإحتمالات كثيرة ولو ركزت زين راح تعرف الحقيقة
وعندي احساس كبير جدا بأن زوجتك عندها نشاط تجاري
واستثماري ولاكنها من النوع اللي تحب تقضي حوائجها بالكتمان
ربما خوفا من الحسد او الإستغلال من قبل اقاربها
وزوجتك الظروف اللي مرت فيها تخليها تحسب لكل شئ الف
حساب لأنه بصراحة زوجتك عاشت قسوة الحياة والدنيا عطتها
دروس ماراح تنساها ولاتحسب ان خالها اهتم فيها ورباها وقام
على رعايتها انه معناته خلاص ماكانت بحاجة احد اخي الفاضل
حنان الأم والأب ماتعادله كل كنوز الدنيا ولو اجتمعت كل البشر
بمحبتهم وطيبتهم وحنانهم ماراح يعوضونك عن الشئ اللي انت
افتقدته في حياتك فما بالك في زوجتك افتقدت حنان امها
وقابلتها قسوة ابوها اللي تنكر لقطعة من لحمه ودمه ورماها
لشارع بدون مايفكر لو للحظة بأن هاذي بنت ضعيفه ومسكينه
مالها بعد الله غيره وان هاذي بنته شرفه وعرضه وشعر لحيته
لمين يرميها لولا لطف الله بحالها اللي ساق لها خالهاوسخره لها واحتواها
ورباها واهتم فيها والا كان الله اعلم بحالها هاذي البنت الحين
زوجتك تفكر لو ماربنا سخر لها من يهتم فيها كان كيف عيشتها
وكيف حياتها الحين هي الحين مصدومة من تصرف ابوها
تجاهها هاذا التصرف علشان كذا تتصرف معاك بحذرلأنه في بالها
ان اشباه ابوها كثير والدليل خوفها على ولدها منك لأنها تتوقع
ان كل الأباء يحملوا قلب ابوها وقسوته وخايفة انه يصير لها شئ
لاسمح الله ويصير في ولدها مثل ماصار فيها زوجتك بسبب
قسوة الماضي عندها خوف من المستقبل انت راعيها
وامنحها الحب والحنان وحسسها بالأمان معاك لاتمارس معاها
العمل الإستخباراتي اذا انت واثق من اخلاقها ودينها مافي داعي
انك تفتش ورى اسرارها انت تقرب منها واثبت لها انك مهتم فيها
وتحبها وصدقني رايح تلاقيها هي من نفسها تبوح لك بما في
داخلها وماراح تخفي عنك شئ لو حست بأنك قريب منها وصارت
تثق فيك اكثر انت ابذل المستحيل لتغيرها وربنا يكون في عونك
وانتبه تنضغط نفسيا من زوجتك الثانيه وتفرغ شحنات غضبك على
الأولى وهي مالها ذنب الحين انت محتار بين غموض زوجتك
الأولى وبين مشاكل زوجتك الثانيه فحاول انك تفصل هاذي عن
هاذي ووازن امورك ولاتخليها تنعكس على تصرفاتك مع زوجاتك
ونسأل الله ان يحقق لك مبتغاك مع زوجاتك وربنا يؤلف بين
قلوبكم ويصلح لكم حال حياتكم يارب.
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله