المشاركة الأصلية كتبت بواسطة ريتشارد*

أنا أخشي ان تكون تُستغل من قبل احد ..
...

المشاركة الأصلية كتبت بواسطة ريتشارد*

احلاهم واتحداهم /
على مهلك يا اختي الموضوع يوخذ بشكل عقلي لا عاطفي
من حق اي زوج ان يعرف كل شي عن زوجته ..
أليس هو وليها و المسول عنها ؟! و هي أمانة في عنقه
أليست عرضه و شرفه و راعية بيته وام ابناءه ..

نعم أوافقك في مسألة انه الزوج مسؤل عنها..
لكن المسؤلية هذي ما تعطيك الاحقية في التدخل في كيفية صرفها لمالها!!
أو من وين تكسبه طالما في ثقة بينكم كونها إمرأة خلوقه مؤدبه لايتوقع الشر منها.
أو أنها تكسب هذا المال بطرق غير شرعية..
أما إذا أنت تشوف انها مو ثقه او أمرأة سوء فهذا موضوع ثاني.

مثل ماقلت لك يمكن أبوها أو أخوانها يقتطعون من رواتبهم لها وماتبي تصرح لك بالشي هذا..
أنا وحدة من الناس وكثير بنات مثل وضعي وهو أنه أبوي فاتح لي حساب قبل لا أتزوج يحول لي مصرف عليه.
وبعد ماتزوجت صار ابوي يقتطع من راتبه تلقائيا يحوله لحسابي..
عمي وامي وخالتي وأخوي كل بين فترة وفترة يحولون لي بدون اي مناسبه ..
وزوجي مايدري عن حكاية الحساب هذا.. والان عندي مبلغ وقدره (......) من فلوس أبوي.
مع العلم زوجي فاتح لي حساب ببنك غير اللي ابوي فاتحه لي وعارف كل شي فيه..
ولو زوجي حاول يلف ويدور ويتحقق من حكاية حسابي من أبوي بتضايق منه جدا جدا لانه مو من حقه يتدخل بخصوصياتي.
من حقي انه مايعرف اني قاعده أصرف على نفسي او أجمع لنفسي من فلوس أبوي..
أعطيك مثال : كثرت كلامي بس عشان ابين لك انه مثل ما للزوج مساحه من الخصوصيه تجهلها عنه زوجته كذلك الزوجه لها خصوصيه ومن حقها عليك تحترم هذي الماسحه لها.

أهلي مروا بضروف مادية وكان حسابي من أبوي فيه رصيد محرز..
حولته كله لامي عشان الضروف اللي صارت.
بعدها بشهر زوجي مر بظروف تقدر تقول صعبه ما قدرت أساعده الا بشي بسيط من حسابي اللي هو عارفه..
لانه حسابي الاول حولته كله لامي..
مع العلم انا مو ملزومة أساعد زوجي ولااساعد أي أحد. انا حرة بمالي.

لكن أفرض زوجي عارف انه عندي حساب ثاني وعندي مبلغ وقدره
وانتظر اني اساعده وماساعدته لانه ماعندي مو صح بيحز بخاطره حتى لو ماتكلم!!!
او طلب مني اعطيه ويرجعه لي ..
شنو تبيني اقوله؟؟
اقوله والله حولته كله لاهلي لأنه كيت وكيت وكيت حصل!!!!
انا مو ملزومة اشرح له شنو صار لاهلي ولا شنو بيسوون اهلي هذي خصوصية وماله دخل فيها.
أنا ما ساعدت اهلي من فلوسه .. انا ساعدتهم من فلوسهم..

يوم زوجي مر بالظروف ماصار بخاطره علي لاني ماعلمته أصلا انه عندي مصدر مال من غيره.
وأصلا وادري ومتأكدة وواثقة مليون بالمية انه زوجي مو طمعان باللي عندي ولو اعطيته لظروف معينه بيرجعها لي الضعف .
لكن مثل الظرف اللي حصل له ولأهلي بوقت متقارب ما أظطريت اني اشرح له وضع اهلي.
لذلك عدا الموضوع على خير بدون حزازيات.

لا ناخذ الامر عناد و ندية ..
أنا زوجها كل ما اوريده ان اطمئن فقط عليها وعلى نفسي
ليس تجبرا مني او سيطرة كما تسمينها ..
بل رعاية و اهتمام وحب ..

أنا لا ارغب بمالها و لا حق لي فيه ، و بارك الله لها
و سؤالي ليس طمعا بل حرص ..

..