نعم اختي الرجل يحب وحبه اعظم واكبر من حب المرأة احيانا .. ويستمر اذا حاولتوا تجددونه بين فترة واخرى
واكيد الحب نعمه من رب العالمين والحمد لله ان الله رزقني بهذه النعمه اللي ما حسيت فيها من البداية
لكن غلط اغلب الحريم اختي انهم يبون الرجال يحبون ويعبرون عن الحب على هواهم وعلى طريقتهم ..
ومو راضيين يستوعبون ان الله خلق الرجل بطبيعة وخلق المرأة بطبيعة اخرى ..
وصدقيني اذا لقيتي زوج 24 ساعة رومانسي وكلام غزل وغيره ... بتملين ..
زوجي مثلا يموت فيني وانا متأكدة من هذا الشيء .. لكن ما يعبر طول الوقت مع انه تعلم مني فن التعبير لكن
ما احبه يوم يكلف على نفسه لانه هذا طبعه وما اقدر اغيره ... لكن كلمة ( أحبج ) يوم تطلع منه لو في السنة
مرة تكفيني سنة كاملة لاني اعرف انه قالها من قلب .. وعند زوجي بمجرد انه اختارني من بين كل البنات
وتزوجني هذا دليل حب .. وكل رجل يعبر بطريقته مثل المرأة ... وفي حريم بعد ما يعرفون يعبرون عن حبهم


وبصراحه ما اعرف اذا كلامي هذا يناسب الموضوع ولا لأ بس بكتبه بعد اذنك ... ابي اقول حسبي الله ونعم الوكيل
على الاعلام اللي خرب عقول بعض الناس بقصص ومسلسلات الحب الخيالية والبعيده كل البعد عن الدين والقيم

يعني هالشي مش معمم ..

وربي يوفقك ويسعدك ويهنيك