لقد تكلمت في مواضيع سابقة عن علاقة زوجي مع البنات وما حصل مؤخرا كانت الكارثة فهو الان يحب بنت دخلت له من باب الشفقة انه ما عندها حدا من بعد ما توفت امها ابوها بيضربها واخوها بيتحرش فيها الى اخره من هالكلام طبعا هاي البنت هو على علاقة فيها منذ اكثر من سنة اي من قبل وفاة امها المهم اخر شي لما قرأت مسج بموبايله وباعتلها كلام حب طبعا انا انهرت لكن ما خبرته اني قرأت المسج هو شعر اني قرأته وغير رمز موبايله حكيت انا وهو وانا من النوع الي بناقش حكتله انه انا بعرف انه بيحب هالبنت واصريت وانه بيسهر معها لحد ما في النهاية حكالي اه بحبها سألته ممكن تتزوجها حكالي طبعا لا لكن هي مسكينة وما الها حدا وابوها واخوها وصار يحكي في الموضوع وكأنه اشي عادي حكتله طيب وانا ومشاعري ما علق حكالي مشاعري اتجاهك اكيد بتختلف عن مشاعري اتجاهها حكتله خاف الله مشان بناتك على الاقل المهم ارجوكم نفسي الاقي طريقة ابعد هالبنت عن زوجي واخليه يرجع لبيته مع العلم اني سألته قبل اذا انا مقصرة بأي شي وحكالي لا ارجوكم لانه انا في هالفترة تعبانة نفسيا لدرجة لا توصف