القصه وما فيها زوجك مبسوط على وضع انه مثلا يمر ياخذ زوجته الاولى ويطلعو مطعم وبعدين كل واحد يرجع ببيته
وبكره يطلعو يتمشو مع بعض وبعد فتره يطلعو مدري وين

الظاهر داخل ازمة منتصف العمر او المراهقه المتاخره وعايش دور الصديق والصديقه او الحبيب والحبيبه اللي ما تربطهم ببعض غير العواطف اما ارتباطات رسميه فلا بدليل يتعاملو مع بعض وكان ما عندهم بنات او كانهم ما كانو متزوجين من بعض..

يمكن تكون فتره وتعدي وبكره يمل وهي تمل ان شاء الله ..

الان فكرة الطلاق غير مناسبه لك لانك حامل لو كنتي مو حامل كان اقولك فكي عنه لانه شكله مو جدي بزواجته بيك..لكن بما انه صار فيه بيبي جاي بالطريق فانتي مو حره باتخاذ قرار الطلاق لانه الطلاق يخصك ويخص ابنك اللي جاي بالطريق وحسب كلامك بتقولي انه (ونعم الاب) معناته هو اب جيد حرام تحرمي ابنك من ابوه وتعيشيه حياة مشتته وربما مع زوجة اب مثل حال بناته الان..

ان تطلقتي فهذا يعتبر الطلاق الثاني لك وحسب ما اذكر انك لم تكوني سعيده لما كنتي ببيت اهلك فبرايي ابقي مع زوجك وربي ابنك وزوجك رح ياخذ واحد من الطريقين يا امي رح يرجع زوجته الاولى وتصيرو زوجتين في ذمته يا اما رح يمل ويرجع يستقر معاك .. لانه وضعه الان لا يمكن يدوم مارح يستمرو (خليل وخليله ) لمدى العمر ..زوجته الاولى بمجرد ما يجيها زوج مناسب رح تسحب على زوجك وتتركه ..الاهم الان ان تكسبي اهله في صفك وتخليهم يحبوووووك حتى يكونو سند لك ضده لو قلب عليك اكثر..

الله يوفقك..

__________________