بنت خالتي عمرها 15سنه الي يشوفها يقول 12سنه من الهموم الي شافته في حياته
عندها اخت الان عمرها 7او8 سنوات...
من هي صغيره في اول ابتدائي امها وابوها تطلقوا هي عند ابوها واختها كان عمرها في الشهور مااذكر بالضبط
عمرها كانت عند امها..
ابوها بعدين تزوج ومشاكل هي مع مرت ابوها .. مرت ابوهاكانت حامل واقفه
هي تركض الي صدمة مرت ابوها وطاحت مرت ابوها مقدرت تقوم جاء ابوها وشال مرته المستشفى مات الي في بطنها..جاء ابوها لها ضربها وداها عند امها امها كانت تتكلم يمنا انه بنتها اذا شافتها في مكان تجي لها بعدين هونت ماتجي لها قالت امها: اكيد الان ماتحبين ابوها موصيها وسمعته ..المهم
جات لامها وعاشت وياها اي عيشه مسكينه .. كل تضربها امها وتفضل اختها الصغيره عليها وخالتي الثانيه تكره الناس واخصة بنت خالتي تكرها تضربها ..
كل امها تضربها يم الناس وتحرجها وهي تنحرج بس تمسك صياحها تعودت الان من الضرب والاحراج امام الناس تقول يم الناس عنها انها حاقده على اختها ..
وهي كل تتهوش مع البنات الي وياها في المدرسه وترسب بعض المرات وصلت اول متوسم ارسبت بعدين قالت بتطلع امها مارضت اذا بتقعدها للمدرسه تقول لامها: ماابي اروح .امها تعصب عليها تضربها ضرب قوي حتى بالنعال بالعصى .. اطلعت من المدرسه امها خذت ملفها وشقت يمها علشان ماتقول مره ثانيه بترجع المدرسه
انا انقهر اذا شفت امها تسوي لهاكذا امي كلمتها وجدتي ولاكو فايده..
يم من الايام امي تدور على جوالها امها فتشتها وشافت عندها اضربتها وطلعت هي تكلم رجال امها عطت الرقم خالي كلم خالي وقال انه تعرف عليها في شات استغربنا انها ماعندها كمبيوتر تكلمت قالت : انها اذا راحت لبيت جيرانه صديقتها تخليها تدخل الشات وتكلم رجال. خالي حنون ماضربها ولاشئ وداها الغرفه كلمها بعدين قال لامها : انها تبي ابوها .. امها قالت: تروح لابوها قامت تدعي عليها
الان قامت تبوق وامها اذا اكتشفتها تموتها ضرب.. واختها الصغيره مدلعتها تسي اي شئ ماتضربها مثلها
الان امها وخالتي يشكون فيها يقفلون باب البيت وشالوا تليفون البيت
امها شرت لابتوب تخلي اختها تلعب وهي لامره خذت تلعب في لابتوب امها خذتها ضربتها ليش تلعب فيها وتقعد تعايرها لانها ماتوثق فيها وتقول لها اختك اركز منك
الان هي ضعيفه شعرها حت من الحاله النفسيه تاخذ قلم تتكتب على يدها اسم ابوها وحروف انجليزيه
تقول تبي تعيش مع ابوها .. سواء امها او ابوها نفس العيشه والقساوه