اخي الكريم ابراهيم احتمال يكون عندها مشكلة بالجيوب

الإنفية اوالتهاب في اللحمية مسببه لها هاذي الرائحة انا كان عندي

واحد من اولادي تقريبا كان عمره 5سنوات وكنت انظف له خشمه
بمناديل الفاين ومرة من المرات الولد شال منديل فاين وجلس

ينظف خشمه بنفسه وما قال لي نظف والمنديل اثاريه

انقطع داخل خشمه ولا كلمني ولا قال لي عنه ابد والظاهر

انه حاول في اخراجة بس ماقدر شفطه للجيوب الإنفيه لداخل

وانا ما انتبهت له وكنت ألاحظ عليه انه ينكتم ويشخر وقت النوم

كثير وكان يتنفس من فمه وهو نايم المهم بعد تقريبا شهر كان

يتعب واروح اوديه مستشفى الأطفال ويعطونه اكسجين احيان

على مرتين وثلاث مرات باليوم ومافحصوا الولد بالمستشفى

كل ماجبته لهم قالوا عنده ضيق في التنفس ويعطونه بخار

واروح فيه للبيت وكنت اشم رائحة كريهة تطلع من خشمه وكنت

اقول لهم عنها بالمستشفى بس كان يقولوا لي من التهاب

اللوزتين والرائحة طالعة من خشمه وليست من فمه

المهم مرة من المرات اصيب بزكام جامد

وكان يعطس كثير سبحان الله ربنا اراد ان انكشف مشكلته

الولد عطس تقريبا ثلاث عطسات واناظر لخشمه إلا وقطعة

الفاين طالع من خشمه وكان بالمرة شكله متعفن تقريبا كان

نصف المنديل داخل خشمه ولونه متغير ورائحته كريهه وبعدها

الحمدالله الولد صار يتنفس طبيعي ولا فيه رائحة بخشمه

والشخير اختفى وهاذا من فضل الله عز وجل فاحتمال ان يكون

عند زوجتك مثل كذا يمكن نظفت بمنديل وتبقى داخل خشمها شئ

منه وهي ماحست فيه وتعفن واحيان حتى حبوب الرز الواحد

اذا كان ياكل وضحك او تكلم على الأكل وشرج بالأكل يتطاير

الرز في مجرى التنفس العلوي وبعضه يطلع وبعضه يتبقى داخل

الجيوب الإنفية فيسبب رائحة من الأنف والأسباب كثيرة لرائحة

الأنف وهاذي يحتاج لها طبيب أنف وأذن وحنجرة يفحصها

ويشوف وش مشكلتها وانت لوجيت تكلمها قول لها اسمع لك

صوت شخير عالي وانت نايمه لدرجة اني اخاف عليك بعض

الأوقات من الإختناق واجلس سهران اراقبك خايف لايصير

فيك شئ لاسمح الله وانا خايف عليك لوصار فيك شئ رايح انهبل

من بعدك وابغى اطمئن عليك عند دكتور الأنف والحنجرة حتى

بالي يرتاح ويتطمن عليك والله لايحرمني من شوفتك انا خايف

عليك واجد ولأني سمعت بقصص تخوف لناس كانوا يشخرون

وهم نايمين صارت لهم مضاعفات وانا بالي مشغول عليك وخايف

لايصير فيك شئ

واهم شئ انك انت ياخوي تكون قد اتفقت مسبقا مع اختصاصي

الأنف والحنجرة على اساس إنك تجيب زوجتك عنده علشان

مشكلة الشخير والتنفس وفهمه بطريقتك على مشكلة الرائحة

بدون ماهيه تحس بالسالفة

لو انتم لكم سنوات متزوجين كان نصحتك بمصارحتها لأنه راح

تتقبل كلامك وتسعى لحل المشكلة لاكن اذا كنتم حديثين عهد

بالزواج وباقي ما اخذتم على بعض احسها صعبة شوية بالذات

لو البنت حساسة لاكن شوف لك دبرة وحيلة ولاتجيب طاري

لرائحة عندها علشان ماتحس سوي نفسك انك حريص وخايف

عليها وتبغى تطمئن عليها وعلى صحتها وبإذن الله عز وجل انها

ماراح تمانع في الذهاب لدكتور للإطمئنان عليها وربنا يوفقكم

ويسعدكم في حياتكم المقبلة يارب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله