المشاركة الأصلية كتبت بواسطة روضة بوظبي

اخويه الكريم موضوعك حساس واايد
وبدايتك كانت طيبه بالعكس تصرفك حلو انك سترت على زوجتك


الله يلوم اللي يلومك تقدر تقول وبكل صراحه انك فقدت ثقتها فيها وانها طاحت من عينك بعد اللي صار
لكنك تحاول تتعايش مع الوضع


مقدره وضعك ونظرتك بس اذا تبا نصيحتي
مايحتاي تترك لاب توب بايدها وتلفونها راقبه من فتره لفتره وهالشي حقك ..
الخيانه اصعب شي في الحياه ..

ممم


ابتدي من اول ويديد معاها .. وجوف اذا وفت هالمره او خانت يعني اختبرها موب عيب ولاغلط
حاول تختبرها .. بالعكس هالشي حققك وتبا تضمن عمرك معاها .. وانت تعرف كيف تختبرها .. في الف والف طريقه تحطها تحت اختبار وتكتشف هل لازالت بطريج الاغراءات مع شباب او انها بالفعل تابت من قلبها وموب من الظاهر
والسموحه

المشاركة الأصلية كتبت بواسطة روضة بوظبي

المشاركة الأصلية كتبت بواسطة v for vendetta

أخي مضيّع اللفّه والله وانا اقرأ موضوعك وردودك اني أشعر بالمضض والحزن عليك, وأسم موضوعك أكبر دليل على ماتشعر فيه
كلّن بيردّ عليك وكلّن راح يعطيك رأيه من الزاويه اللي هو يشوف منها
وأنت عايشت هالخيانه, وانا مقبل ع زواج والله يفكني من هالحاجات لأن لو فعلاً صارت ممكن الحين اقول اني راح اسوي مثل ماتسوّي لكن أعرف نفسي حسّاس زياده عن اللزوم يعني راح اطلّق علطول لأن نفسي بالمستقبل لن تتقبّل وجودها بجانبي
والله ودّي بعض الأحيان من كثر ماأسمع عن المصايب اللي زي كذا,أنّي أقول لزوجتي أول ليلة بزواجنا عهد بيننا
لو أكتشفتي إنّي خنتك بيوم من الأيّام يحق لك تطلبين الطلاق وأعيّن لك مصروف طول حياتك بعد الطلاق حتى لو تزوّجتي
ولو أنا أكتشفت أنك خنتيني راح أطلّقك لو معاي منك 10 أولاد
وعهد زي هذا ماينسى بسهولة لكن أخاف أفتح ع نفسي باب أنا في غنى عنه
أنا ماعندي نصيحه لك لأني ماعايشت اللي انت فيه لكن أصبر كم شهر يمكن يحنّ قلبك ويرجع الحبّ لها
لان تو عمرك 28 سنه ويعني اذا بتقعد طول عمرك معها وشعورك ناحيتها كذا بتتعب عشان كذا اصبر شوف يمكن شعورك ناحيتها يتغيّر للأحسسن وإن تغيّر للأحسن ادعو لكم بالحياه السعيده وإن ماتغيّر فإمساك بمعروف أو تسريح بإحسان, وأدعو من الله انه يشيل عنك همّك, اأخوي مضيّع اللفّه وترا يوم تتكلم عن نفسك حسّيت أنك تشبهني بالصفات لأن كل اللي كتبته عنك يشبهني,عشان كذا والله وانا أكتب ردّي إنّي شايل همّك,تكفى لاتقاطعنا وخلّ موضوعك سبيل للضائعين بالمستقبل مثلك.