أخي العزيز بداية مبروك الزواج
ثانيا.. ما تمر به هو شعور جداً طبيعي و مما يشجعه لديك كون أصدقائك مازالوا عزابية

أنا راح أجاوبك من خلال تجربتي مع زوجي اللي هو عنده نفس شعورك ، فجلسنا نشوف حل عشان هو ما يختنق من قفص الزوجية

أنا معاه اتفقنا إن كل أسبوعين في العطلة أبات فيه في بيت أهلي و هو ياخذ راحته بالسهر و الطلعة مع ربعه من غير ما يضايقني

هذا الشي نضرب فيه عصفورين بحجر... أنا أكون مشتاقة لأهلي فأجلس معهم مدة أطول ، و هو يشبع حنينه لأيام العزوبية و ياخذ راحته

و أنا أؤيد اقتراح اختي قلبي حنون

حاول تتوصل معاها لحل يكون يوم في السبوع مثلا .. إنت تاخذ راحتك فيه بالسهر و هي تعمل الشي اللي حباه سواء مع أهلها أو صاحباتها

و في نقطة ثانية حبيت أنبهك لها .. دير بالك من تأثير أصدقائك عليك
بما أنهم لسه عزابية فيمكن ما يفهموا الالتزامات اللي صارت عليك ، لكن مردهم راح يتزوجوا و يتغيروا
و مثل ما إنت شفت قيود في الزواج (ناحية سلبية)، حاول إنك تشوف المزايا اللي عندك إياها و هم ما عندهم
أبسطها إن في وحدة تحبك و تخاف عليك و تبغي رضاك

الله يوفقكم و أتمنى لك حياة زوجية سعيدة

__________________
الدنيا يمكن تكون حلوة ... بس يا ريتيني أقدر أفهمها !!!