اقتباس:
المشاركة الأصلية كتبت بواسطة روضة بوظبي
اول باركن لروضه بتاريخ 30/3/2012 يوم الجمعه
أخويه بخبرك وبكل صراحه في مجتمعنا الاماراتي يوم الريال يخطب البنت يرحبون فيه ويكرمونه حتى لو مايبون الريال مايحسسون انه غير مرغوب بالعكس يوصلوله بطريقه ماتجرح ولاتمس كرامته وقهوتهم مشروبه مثلن يحطون شروط تعجيزيه وجي ..
بس بالنسبه لك اخوي الكريم اتوقع انك حساس وتتحسس من اي تصرف او نظره غير مقصوده يمكن .. . . من جي انا اقولك حاول تعرف المطلوب منهم من غير ماتتحسس .. ولازم بيكونون شديدين اخوي لانه هالموضوع موضوع زواج موضوع جد
واختلف معاك بالعكس شي حلو انهم يعتبرونك منهم وفيهم والمفروض تتقبل اي تصرف منهم او كمله بشرط ماتمس كرامتك كرجل ..
وموب بالضرورة نظرتك تكون صح لانك بتلاحظ تعاملهم مع اخوانك وابوك يعني وانت تتقدم لخطبه البنت اكيد شايل شوابك وفريجك معاك مااتوقع بتسير بروحك تخطب لانه منقووود عند العرب ..
تذكر اذا كانت نظرتهم لاخوانك وابوك او عمومتك او خوالك او اللي كان مخاويك حزتها هي نفس النظره اللي كانت موجة لك اذا فيها نوع من الاستهتار والتجريح ساعتها ..الحر تكفيه اشاره من غير لادور تفسير
همسه .. احسدها اللي بتكون من نصيبك لانك انسان حساس وربي يوفجك
والسموحه
|
مشكورة أختي روضة علي المشاركة ..
و ألف مبروك .. و لكن ما المناسبة .. ؟؟
و أريد ترجمة ..
وانت تتقدم لخطبه البنت اكيد شايل شوابك وفريجك معاك ؟؟ ما هما "شوابك" و "فريجك" .. اعتقد ان "فريجك" تعني فريقك
كان مخاويك حزتها ؟ كلمة "حزتها"
و ارجو منك اختي الفاضلة ذكر بعض الكلمات التي تعتبر قلة ذوق او إساءة علي ان تكون غير مفهومة لعموم العرب .. حتي استطيع ان اميز الكلام الطيب من غيره عندما اتحدث مع احد اخواننا العرب ..
"همسه .. احسدها اللي بتكون من نصيبك لانك انسان حساس وربي يوفجك"
جزاك الله خيرا .. و لكن المشكلة فيمن تقدر الزوج الصالح .. ان اكرمت الكريم ملكته و ان اكرمت اللئيم تمردا .. معظم من قابلتهن يرفضن تحكيم شرع الله فيما بيننا .. و لا تنسيني من صالح دعائك ..