السلام عليكم أعضاء المنتدى الكرام

حدثت مشكلة بيني وبيني زوجتي أعتبرها الأولى من بداية زواجنا ...

كان اهلي بيطلعون ( البر ) وانا كنت مرتب بأطلع معهم انا وزوجتي مع امي واخواني وزوجاتهم وفي الصباح الباكر جاء اتصال لزوجتي ان أهلها بيطلعون للبر ايضاً فقالت لي ، نريد أن نذهب معهم ..

قلت لها : أنا مرتب مع أهلي ومتفقين على الطلعة وأهلك نطلع معهم يوم ثاني ..

جلست تترجاني وتكفى لاتحرجني واخواتي بيطلعون مع رجالهم و و و

قلت : مستحيل انا متفق مع اخواني وانتهى الموضوع

هنا انفجرت بالبكاء وخرجت لغرفة مجاورة وصارت تبكي وكأنها فقدت وليدها بكااااء ونحييب ..

وانا غير مصَدق ردة الفعل عندها ... كل هذا علشان طلعة بر

المهم ذهبنا مع أهلي وقضينا وقت ممتع ..

ومن بعدها ونحن لنا (3) أيام لانتكلم مع بعض إلا في أضيق نطاااق

وأعتقد أنها تريد مني الإعتذار ... بس نجووم السماء أقرب لها ...

أنا ماأبيها تعتذر بس أبي نرجع زي ماكنا وهي تبغى مني ألطف الجو كإعتذار غير صريح

اخواني واخواتي .. خبرتي محدودة في الحياة الزوجية

بس أرجوكم لا أحد يقول لي اعتذر منها او لطف الجو انا ماأخطيت ..

نصيحتكم ومشورتكم تهمني ...