اقتباس:
المشاركة الأصلية كتبت بواسطة إنسان رحيم
تحية طيبة للجميع هنا
عندي مشكلة تتلخص في امرأة اخترتها زوجة يوما من الايام وعشنا ايام طيبة ولله الحمد
ثم هبت رياح التغيير وجاء الانفتاح الالكتروني والعلمي والاجتماعي
فحاولت قدر الاستطاعة ان اقطف ثمار هذا التغيير
لكن ما حدث هو أن تلك الزوجة بكل لؤم قررت بمفردها الالتحاق بالبعثة إلى أمريكا مع شقيقها وقالت نفسي نفسي وتركت لي بنتين وولد كالزهور وهم في امس الحاجة لها نظرا لعملي الذي يأخذ مني 8 ساعات في اليوم لأعود منهكا كي أبني مستقلنا
الان قدر الله بعد ان طلبت الطلاق واظهرت كل اللؤم وقذفتني بألف تهمة كي تحصل على طلاقهاوهدفي اقناعها بانها ( انجبت لتربي لا لترحل )
تم الطلاق ثم أراد الله أن لا تتم لها بعثتها الى امريكا وهي تمر الان بحالة هستيرية
والآن الأطفال يعيشون مع اختي بشكل مؤقت حتى اتزوج لكن امهم كدرت معيشتهم بالاتصالات والتصرفات ومع ذلك تراهم كل اسبوعين مرة أي مرتين بالشهر ولم استخدمهم كوسيلة ضدها
الان الاطفال يعيشون مع اختي ويدرسون بالمدرسة القريبة بنتين بالمرحلة الابتدائية وطفل لم يدخل المدرسة
ما يزعجني امور:
1/تدخلها لافساد حياتهم ولم تظهر رغبة صريحة في العودة لانها متكبرة جدا ولاتريد ان يظهر انكسارها
2/اقناعها الاطفال اثناء المكالمات بان والدكم سيء وانه هو الذي طردني وكنتم نائمين وقتها
والآن ماهي المناسبة لي زوجة بكر أمنحها كل الحب والامتنان ؟ ام ذات تجربة لكن بصدق كل من حولي من المطلقات لم اجد ما يقنعني في طلاقهن (أي أسباب لاتستدعي الطلاق أصلا) ؟
ارجوكم مساعدتي فلم أسجل هنا إلا لاجد من يشيرني(وأخص روضة بوظبي ولايهونون البقية) وشكرا
|
اخي العزيز ..
بتكلم معاك بكل صراحه بناءن على كلامك .. راح ارد عليك ..
اخوي الغالي جوف .. انت تزوجت وحاولت تتمسك بمجرى حياتك معاها بكل الطرق
الا انه ربي يبا يكشفلك هالزوجه هاذي ..
تخلت عنك وعن بناتها عشان مستقبلها في امريكا .. بكل سهوله رخصت فيك وفي بناتها عشان مستقبلها..
يعني مايهما شي بهالدنيا .. ومااكتفت بهذا كله الا انها اصرت على الطلاق بحجج واهيه اتخذتها ذريعه كي تتخلص منك نهاياً ...
مااحسبت للعشره حساب .. مافكرت في بناتها واحلى شي اطلعت منه بالدنيا تخليها على الاقل تغير فكره السفر للخارج ..
مافكرت بزوج ماقصر معاها وقام باللي قدره عليه ..
اخرتها بثت سمومها محاوله بشتى الطرق التخلص منك ومن بناتها ركز اخوي من بناتها ..
الدليل انها كانت على استعداد تتغرب وتنقطع عن بناتها لمستقبلها ..
مااقولك انها تجرددت من الامومه الا انها الحين بتحاول تستخدم بناتها كوسيله لتنكيد وتعكير صفو مجرى حياتك الجديده ..
مستعده توسوس في البنات وتزيدهم من سمومها لمجرد انك ماتنزلت ورديتها واعتذرتلها..
هي الحين تنتظر منك انت اللي تعتذر وترخص بكرامتك وتنسى اهانتها اللي مضت وتنسى انها مستعده تبيعكم مرتين وثلاث وعشر وكل مااستنحتلها الفرصه
بدون لاتعتبر لكم وجود وكيان وحشمه وعشره .. المهم مصلحتها فوق الجميع ..
المطلوب منك الحين تكون صارم باتخاذ قرارك من غير لاتجاملها او تتخوف على بناتك ..
بناتك بعيونك الاهم من جي راقب اتصالاتها .. مابتخسر شي
احذر منها لمجرد انها اتهتمك انك رجل سء وطرتها بعزة نومهن .. وانا من نصيحتي تقطع اتصالاتها بالمره
لاتخليها تكلم بناتها بغيابك ..
الحين هي مثل الافعى تمشي وتحاول ادور مكان تلدغك منه مع احترامي الشديد لك كونها ام بناتك بالنهايه
هي مايهمها البنات كثر مايهمها تتشوه صورتك جدامهم بدون مراعاه كونك اب وحاولت بكل بوسعك تحافظ عليها
وماراح تكتفي بجي
راح تتصيدلك بحياتك الزوجيه محاوله بث سمومها في البنات اكثر واكثر لانها مجرده من احساس الامومه والوفا والاخلاص
يوم بتكلم بناتها خلها على سبيكر حفاظاً على نفسيه البنات منها .. على الاقل عشان تضمن انها ماتخرب حياتك اليديده وقبل لاتتزوج اختيارك الثاني انصحك اخوي العزيز تحط اعتبار لكل السيمات اللي تتمنى وجودها فيها كزوجه ..
الوفا .. الاخلاص .. الذمه والضمير وبنت ناس لها اسمها ولها سمعتها الطيبه بشهاده الجميع ..
ركز على شي مهم ..
احترام بناتك من الزوجه الجديده كبناتها .. بعدين اخوي الغالي .. الزوجه الثانيه تكون قريبه لبناتك وتحاول باسطاعتها اخذهم بحنانها وتعويضهم حنان الام .. وتكون متعاونه بتحسين صورتك جدام البنات ..
وانت الغالي اشتري للبنات هدايا وديهم الالعاب قولهم قبل لاتنام احبج يابابا ..
دلعهن عشان تشغلهم عن تفاهات امهن ..
بعد ماطلعت نتيجه المخيبه لطليقتك وهي عدم الحصول على المنحه او ماتمت اجراراءات سفرها ..
اهني صابها ..
حاله خيبه خلت هدفها تدمير حياتك باي طريقه .. وباي مدخل
واهمها استغلال بناتك لوجودهم بحياتك ....
وقبل كل شي تذكر انك ضحيت مقابل الخيانه .. عطيت وماتنظر الجميل .. سعيت ومالقيت التقدير..
تذكر انك حاولت ترضي ربك قبل كل شي بس الله يحبك لانه كشفلك زوجتك من تجربه السفر
ولانك طيب وعلى نياتك ربي يبا ينبهك تتلاحق على بناتك وحياتك الباقيه .. والمفروض تصليلك ركعتين شكر تحمد الله وتشكره تخلصت منها .. والله يخلف عليك بالخير
وانا متاكدده لو تزوجت طليقتك ماارح تشل سماعه تلفون وتسال على بناتها راح ترتاح منها بالمره
الله يخلف عليك بالخير ويعوضك ان شالله
ومثل ماقلتلك
خلك صارم وشديد وقت ماجوف بناتها اول مايرجعون من امهم على طووول خذهم بحنانك ودلعهم ساعتها بس راح تسيطر على تفاهات وسموم طليقتك في بناتك
ولاتعطيها اهميه ابدن خلها ورى ظهرك وامشي بشي فيه مصلحة بناتك ومصلحتك ..
ونسمع اخبار طيبه منك ان شالله