منتدى عالم الأسرة والمجتمع - عرض مشاركة واحدة

04-04-2012, 08:04 AM

حتى يأذن الله

عضو جديد

تاريخ التسجيل: Jul 2011

المشاركات: 17

من السبب ؟ أنا ولا أمي !

السلام عليكم ورحمة الله وبركاته

أنا بنت عمري 17 سنة متزوجة ولد خالتي من ستة شهور وعندي مشكلة مع أهلي وبالذات أمي
فساعدوني باللي تقدروا عليه لأني بجد تعبت من المشاكل والضغط ..

بداية المشكلة أني حملت في فترة الخطوبة وعرفت هالشي في الأسبوع الخامس فكلمنا الأهل بالموضوع اللي سبب مشاكل وضغط وبعد أسبوعين من التجهيز السريع تزوجت وسافرنا أسبوع طبعاً هذا الشي كان وسط كلام الناس كالعادة [ أكيد أنها حامل ولا ماتزوجت بهالسرعة . . . ومن هذا الكلام ] كانت نفسيتي قافلة من جد من الوضع خصوصاً بالمدرسة بعد مارجعت من السفر كرهت أروح المدرسة والكل يطالعني ويتكلم علي قدامي ومن وراي بهالموضوع وكان الحمل متعبني واجد بالأشهر الأولى تكلمت مع أمي أني باحول لأنتساب وأكمل دراستي ماردت علي وحقرتني رحت المدرسة وسويت الشي من رأسي وبكيفي وحولت ورجعت البيت قلت لها ترا حولت أنتساب ومن هنا صارت دايم تهاوشني وخربتي على نفسك وهذي آخر سنة بالثانوية وأنتي الغلطانة وكنت أتحمل كلامها وضغطها علي قد ما أقدر أحترام لها وأسكت مرت الأيام وأنا أروح لبيت أهلي يوم واحد بالأسبوع أو يومين وما أتصل على أمي كل يوم لأني كل ما رحت البيت أو كلمتها لازم تهاوشني وتضايقني دايم تقارن بيني وبين أخواتي المتزوجات أنهم كل يوم يتصلون ويروحون للبيت وأنا لا وكرهت أني أروح البيت أو أتصل لهالسبب , أخر مشكلة صارت قبل أسبوع كلمتني أمي تهزأني لأني مزحت وقلت أني رايحة للمجمع وأنا بالبيت وقفلت التلفون بوجهي من هذي المكالمة لليوم ما أتصلت لها كلمت أختي اللي معها بالبيت مرة وسألت عنها قالت لي أنها معصبة منك عشان ماتجين البيت ومارديت على هذا الكلام وسكتت وبعد ثلاثة أيام أخوي مرسل لي مسج أني لازم أمر البيت لأن أمي خايفة علي وتحاتي وصار لي فترة مامريت ..
طبعاً مع كل هذا محد من أخواني أو أخواتي أتصل أو سأل عني ولا حتى أمي أتصلت وقالت وش فيك ماتصلتي وماجيتي وأنا متأكدة أني لو أروح للبيت الكل اللي يشوفني بيهاوشني ليه ماتجين ولاتكلمين وأصير أنا الغلطانة وهم محد فيهم جاني أو سأل عني مع أني أرسل لأخواني من فترة لفترة واسأل عن أخبارهم ومايردون علي

بليز خبروني وش اللي لازم أسويه عشان يتصلح الوضع ؟!
أنا مو مرتاحة كذا أبد وأبي أروح لبيت أهلي وأكون بينهم لكن كل مارحت لازم يضايقوني وأنا مابي أتعب نفسيتي وأنا حامل الحين ومحد فيهم فاهم وحاس بالوضع اللي أنا فيه من بعد الزواج لليوم

أجلس بالشقة لوحدي مامعي غير زوجي مايخليني أبد ويحاول قد مايقدر أنه يرضيني ويسعدني ومومقصر بشي لكن الوحدة تحتاج لأختها لأمها لأخوها خصوصاً أني الحين بالشهر الأخير وأبي نفاسي عند أمي ببيت أبوي لكن خايفة أروح ويضايقوني بكلامهم وأنا بكون تعبانة من الولادة ومبسوطة بالبيبي ولا أبي شي يضايقني

أسفة لأني طولت بالكلام بس من حرقة قلبي وتعبي جالسة أتكلم كل شي ضاع مني وماحسيت فيه بعد وش باقي بيجيني أكثر ؟!
يكفي أني ماصرت نفس كل بنت أتجهز ليوم زواجي وأسوي اللي كنت أحلم فيه يوم اللي مابيتكرر
يكفي أني خسرت دراستي بسبب الكلام والمشاكل والحين موقادرة أكمل بالأنتساب
يكفي أني صرت أكره أروح لبيت أهلي أو أكلمهم وهم يضايقوني ويكسروني كل مرة

سآآآآآآآآآآعدوني تكفوون وش الحل ؟!