اقتباس:
المشاركة الأصلية كتبت بواسطة فاكهة الشتاء
هلا عزيزتي مدن السلام
كيفك . ان شاء الله تكونين بأتم صحة وعافية
ولوسمحتي عندي تعليق ..
طريقة الحياة اللي تتكلمين عنها ممكن نقول منطقية ومقنعة ومتعادلة , ولكن بالنهاية كأنك ألغيتي حياة الزوجين الاجتماعية ومن بعدها تنلغى جوانب أخرى وأخرى ..
وين المشكلة لو التزمت الزوجة بكلمة زوجها والعكس , الأخ قال لو كانت الكلمة لاهلها بالتزم معاهم لاني اعطيتهم كلمة وكذا بيكون قمة في العدل والاحترام وبنفس الوقت الارتباط الاسري بينهم كزوجين محافظين عليه ..
حلك بنظري يفتح ثغرات من جميع الجوانب
أولا بين الزوجين من حيث تخليهم عن حياتهم الاجتماعية المشتركة لان كل مرة كل واحد منهم بيطلع على هواه ..
ثانيا : عند أهل الزوج ونظرتهم له ولها
ثالثا : عند أهل الزوجة بعد , ونظرتهم لزوجها وتكبره عليهم وعدم حضوره مجالسهم ..
واللي فهمته من الأخ ان زوجته كانت تبيه يروح هو معاها لان ازواج خواتها كانوا رايحين فبالتالي زوجها لازم يروح
وجهة نظري
يغلق هالباب تماما ويتعلم الزوجين الالتزامات الأسرية وأولوياتها
وفي هالحالة كانت الأولوية لأهله كونهم اتفقوا معاهم مسبقا
ولو كان العكس كانت الأولوية لأهلها
بالتوفيق |
هلا غلاتي الماضي الدفين
حياك الله انا تمام الله يسعدك يا رب
ما قصدت ابدا كل واحد يكون مستقل تماما وله عزايمه الخاصة ولا يتجمعون باي
مناسبة مع بعض !
قصدت يكون فيه : شوية مرونة .. مع الحفاظ على التزام الزوجين بحضور
المناسبات مع بعض ..
يعني اهلي عزموني وعزمو زوجي معي لكن زوجي باخر لحظة
حب يروح مع اهله لانهم قررو يجتمعون ! باخذ الامور ببساطة
اخليه يروح او اقول له تعال معي بس كم ساعة بعدين رح مع اهلك !
بس ما راح امشيها بالغصب واقول غصب تجي دامنا عطينا كلمة !
براعي رغبته بالاجتماع باهله .. والي يمكن ما يتكرر اجتماعهم
المرونة اذا ما نفعت ابد ما تضر ..
لاحظي كانت طلعة بر باجواء ماطرة ما تتكرر ! مو دورية
او عزيمة بيت اعتيادية ملحوق عليها ..
لكن لو ان زوجي دايم يسويها كل مرة نعطي كلمة ويرجع بكلامه هنا بزعل صح !
صاحبة الموضوع كانت تبي تطلع مع اهلها وكانت تبي زوجها معها
لكنها ما اجبرته .. ! كان في خيارات تم ايضاحها ..
تسلمين غلاتي ..